1-илова “Заковат” интеллектуал ўйини Кодекси

1.2.-боб. Ўйин учун материал ва жиҳозлар 
Тур ўтказилаётган пайтда қуйидаги материал ва жихозлардан 
фойдаланилади: 
•
саволлар; 
•
ўйин ўтказилувчи жой; 
•
ўтириш жойлари; 
•
жавоб учун карточкалар; 
•
маълумотномалар. 
Юқори даражадаги мусобақаларда фойдаланиш тавсия қилинган баъзи 
материал ва жихозлар, 3.5.-бобда кўрсатиб ўтилган. 
1.2.1. Саволлар 
1.2.1.1. Таъриф 
“Заковат” саволи – табиий тилда ифодаланган, матнли бўлмаган 
элементлар (расм, товуш, видео ва бошқа) жалб қилиниши мумкин бўлган 
вазифадир. “Заковат” саволининг бошқа вазифалардан фарқли жиҳатлари 
қуйидагилар: 
•
вазифанинг қисқалиги. Одатда, “Заковат” саволи бир дақиқа ичида 
берилиши мумкин. Матн бўлмаган элементлардан фойдаланилган 
саволларни бериш вақти бир неча дақиқага етиши мумкин; 
•
жавобнинг қисқалиги. “Заковат” саволига жавобни ёзиш учун, 
одатда, бир неча сўз ёки символ етарлича бўлиши керак; 
•
фикрлаш элементи мавжудлиги. “Заковат” саволига жавоб фикрлаш 
йўли билан, керакли билим ва умумий тасаввурлардан фойдаланган 
ҳолда топилади; 
•
оммавийлик. “Заковат” саволини тушиниш ва жавобини топиш учун, 
одатда, тор мутахассисликка оид билимлар талаб қилинмаслиги 
керак; 
•
мажозийлик. Савол матнида сўзлар асосий маъносида эмас, кўчма 
маънода, адабий тилга хос синекдоха, аллегория, жонлаштириш ва 
бошқа мажозий йўллар билан ишлатилиши мумкин; 
•
агарда мусобақа тартибида бошқа тил назарда тутилмаган бўлса, 
саволлар ўзбек тилида берилади. Тартибда саволлар бир неча тилда 
берилиши кўзда тутилиши мумкин. Бунда тиллар сони иккитадан 
ошмаслиги ва маълум турда бир тилда саволлар берилиши тавсия 
қилинади. Мусобақада фойдаланувчи тилдан қатъий назар, 
саволларда бошқа тилдаги парча ёки иллюстрация материаллари 
берилиши мумкин, бунда бу аниқ кўрсатилиши ёки кўрсатилмаслиги 
мумкин. Тартибда кўрсатилмаган тилда саволлар берилишига 
истисно ҳолатларда рухсат берилади. 

---

Жавоб – савол шартларида талаб қилинган маълумот (одатда, ёзма 
кўринишдаги). Жавоб саволга моҳияти ва шакли бўйича тўғри келиши керак.
Саволлар тўплами (кейинги ўринларда – тўплам) мусобақа (ёки унинг 
қисми) учун тайёрланган ва маълум тартибда жойлаштирилган саволлар 
мажмуасидир.