1-илова “Заковат” интеллектуал ўйини Кодекси

2.1.3. Ҳисобга олиш олиш мезонларига мослигини бахолаш 
Агарда ҳисобга олиш мезонларида яқин маъноли жавоблар ҳисобга 
олиниши кўрсатилган бўлса, ушбу мезонга мос деб муаллифлик жавобидан 
аниқлик даражаси билан фарқ қилувчи, лекин мазмунан яқин жавоблар (мисол 
учун, аниқ бўлмаган иқтибослар) ҳисобга олиниши керак. 
Агарда ҳисобга олиш мезонларида жавобларнинг маълум варианти 
тўғри ёки нотўғри деб ҳисобланиши кўрсатилган бўлса, жавобларни ҳисобга 
олишда ушбу кўрсатмаларга амал қилинади. 
2.1.4. Баҳсли жавобларни ҳисобга олиш бўйича тавсиялар 
2.1.1 ва 2.1.2. параграфларига мос келмайдиган жавоблар баҳсли 
ҳисобланади. 
2.1.4.1. Муаллифлик жавобидан катта фарқ қилмайдиган 
жавобларни бахолаш 
Жавобни маъносини турлича талқин қилишга асос бўлмайдиган имло 
(сўзларни ёзишдаги хатолар), пунктуацион (тиниш белгиларнинг йўқлиги ёки 
нотўғри қўлланилганлиги, сўзлар орасида бўш жой, сўзларни катта кичик 
харфларда ёзиш), грамматик (жавобда нотўғри олмош, вақт, сон, шахс ва 
бошқа грамматик формалар), синтактик (жавобнинг умумий маъносини 
ўзгартирмайдиган қўшимча, боғловчи ва бошқа хизмат сўзларидан 
фойдаланишдаги фарқлар) хатолари бор жавоблар ҳисобга олинади. Бунда 
савол шартларида грамматик тўғри жавоб талаб қилинмаслиги ва йўл 
қўйилган хато тўғрилангандан сўнг жавоб 2.1.1. параграфда санаб ўтилган 
шартларга мос бўлиши керак. 

---

Муаллифлик жавобидан фарқ қилувчи жамоа жавоби, агар ушбу 
фарқлар жавоб маъносини тушинишда аҳамиятсиз бўлса ва жавоб матнига 
қўйилган шартларни бироз бузса, ҳисобга олинади.
Хусусан, қуйидаги фарқлар аҳамиятсиз деб тан олиниши керак: 
•
таржимага оид – жавобда хорижий сўз ёки иборани ўрнига 
таржимани ишлатиш ёки акси (агарда савол шартида жавоб 
берилиши керак бўлган тил кўрсатилмаган бўлса); 
•
семантик – синоним сўз бирикмаси ёки иборанинг бошқа муқобил 
варианти кўрсатилиши (муқобил вариант муаллиф вариантидан 
камроқ тарқалган бўлса ҳам). 
ЎҲ муаллифлик саволидан бошқа фарқларни ҳам аҳамиятга эга эмас деб 
топиш ҳуқуқига эга. Лекин ушбу ҳуқуқдан ЎҲ таркибида ҳеч бўлмаганда бир 
нафар МГ аъзоси бўлганда фойдаланиши тавсия қилинади.