1-илова “Заковат” интеллектуал ўйини Кодекси

1.3.4. Савол раундлари ўртасида танаффус. 
Раундлар ўртасидаги қисқа танаффус бошловчи ва секундантларни 
кейинги саволга тайёргарлик кўриши, иллюстратив материалларни 
тарқатишга тайёрлаш, ўйин залига кеч қолган ёки вақтинчалик чиқиб кетган 
билимдонларни бошловчи рухсати билан жойини эгаллашлари учун 
мўлжалланган. 
Савол раундлари ўртасидаги танаффусда бошловчи жамоаларни аввалги 
раунд натижаларига кўра савол жавобини ҳеч қайси жамоа топмаганлиги, 
ҳамма жамоалар топганлиги, бир жамоа топганлиги – айнан қайси жамоа 
топганлиги тўғрисида хабардор қилиши мумкин. Шунингдек, бошловчи бир 
ёки икки нотўғри жавобни ҳам, қайси жамоа берганлигини айтмаган ҳолда 
эълон қилиши мумкин. 
Техник имконият бўлганда ТГ томонидан ўйинда иштирок этаётган 
жамоаларга тур ёки мусобақанинг бирламчи натижалари тўғрисида 
маълумотдан хабардор қилиб борилиши мумкин.
Раундлар ўртасидаги танаффусларда жамоа сардори қуйидагиларга 
ҳаққи бор: 
•
жавоб карточкасида жамоа ёки саволни тартиб рақамида йўл 
қўйилган хатони айтган ҳолда, тўғрилашни сўраш; 
•
секундант ёки бошловчининг бошқа жамоалар ёки билимдонлар 
томонидан ушбу Кодекс ва мусобақа тартибини бузилиши ҳолатлари 
ҳамда ўйин залидаги тартибни бузилаётгани тўғрисида хабардор 
қилиш. 
Ушбу мурожаатлар секундантлар орқали, истисно тариқасида бошловчи 
ёки ЎҲга, уларнинг ишига ҳалақит бермаган ва ўйин залидаги тартибни 
бузмаган ҳолда, берилади. Мурожаат хушмуомалик билан берилиши керак. 
1.3.5. Турлар ўртасида танаффус 
Турлар ўртасидаги танаффус ЎҲ ва ТГ томонидан ўз ваколати 
доирасида қарорлар қабул қилиш ва турнинг дастлабки натижаларини 
чиқариш, аппеляция бериш, АҲ қарорларини эълон қилиш, бошловчи, 
билимдон ва томошабинларни дам олиши учун мўлжалланган. Охирги турни 
тугаши ва якуний натижаларни қабул қилиш оралиғидаги вақт турлар 
оралиғидаги танаффусга тенглаштирилади. 
Турлар орасидаги танаффусда ЎҲ томонидан ўйин жараёнида ёки унинг 
якунида секундантлар ёки ЎҲ ўзи қайд қилган қоидаларни бузилиши 

---

ҳолатларини кўриб чиқади. ЎҲ ўйин қоидаларни бузган (ёки таркибидаги 
билимдон қоидаларни бузган) жамоага нисбатан огоҳлантириш бериши, 
жавобини ҳисобга олмаслик тўғрисида қарор қабул қилиши ёки 2.3.-бобда ва 
мусобақа тартибида кўрсатилган бошқа жазони қўллашга ҳақли.