1-илова “Заковат” интеллектуал ўйини Кодекси

1.3.3.6. Жамоалар жавобини йиғиш 
“Муҳокама тугади” сигналидан 10 секунд ўтганидан сўнг “жавобларни 
йиғиб олишни сўрайман” сигнали берилади. Ушбу сигнал берилгунга қадар 
жамоа сардори (ёки бошқа билимдон) карточкага жавобни ёзиб, шу 
карточкани ушлаган қўлини кўтариб туриши шарт. Агарда жамоада жавоб йўқ 
бўлса, тўлдирилмаган карточка барибир кўтарилган бўлиши керак. 
“Жавобларни йиғиб олишни сўрайман” сигналидан сўнг кўтарилган 
карточкани пастга тушириш ёки алмаштириш, шунингдек унда ёзилган 
жавобни ўзгартириш мумкин эмас. 
“Жавобларни йиғиб олишни сўрайман” сигнали билан секундант ўзига 
бириктирилган жамоалар карточкаларини йиғишни бошлайди ҳамда уларни 
ЎҲ ёки ТҚга топширади. ТҚ ва бошловчи секундантларни залда 
ҳаракатланишини карточкаларни имкон қадар кам вақт сарфлаган ҳолда 
тўплашларини кўзда тутган ҳолда ташкил қилади. Бунда секундантлар унга 
бириктирилган ва ҳали карточкасини йиғиб олмаган жамоаларни кўриб 
туриши керак. Секундант унга жавоб карточкасини бериш имкони бўлиб, 
карточкани бермаган жамоага қайтиб боришга ҳаққи йўқ.
Жамоа секундант олдидан жавобларни йиғиш учун ўтаётганида жавоб 
ёзилган карточкасини топшириши шарт. Агарда жамоа бу ишни бажармаса, 
секундант ЎҲ га қоида бузилганлигини маълум қилади. 

---

Агарда жамоа сардори карточкани “жавобларни йиғиб олишни 
сўрайман” сигналидан олдин кўтарса, “жавобларни йиғиб олишни сўрайман” 
сигналидан сўнг туширса, агарда “жавобларни йиғиб олишни сўрайман” 
сигналидан сўнг карточка алмаштирилса ёки қандайдир ўзгартириш 
киритилса жавоб қоидабузарлик билан топширилган ҳисобланади. Секундант, 
унинг фикрига кўра содир бўлган қоидабузарлик ҳақида жамоани ва ЎҲни 
хабардор қилиши керак.
Бунда секундант жавоб ёзилган карточкани жамоадан олиб ЎҲ ёки ТГга 
бериши лозим. Қоидабузарлик бўлгани ёки бўлмагани ҳақидаги қарорни ЎҲ 
қабул қилади. 
Бошловчи ва ЎҲда секундант иштирокисиз жавоб қоидалар бузилган 
ҳолда топширилгани тўғрисида қарор қабул қилиш ҳуқуқи бор. 
Турлар ўртасидаги танаффусда жамоа сардори ЎҲга жавобни қоидалар 
бузилган ҳолда баҳоланишига билдириши мумкин. ЎҲ келтирилган 
даллилларни муҳокама қилиши мумкин. Шундан кейинги қабул қилинган ЎҲ 
қарори якунийдир.