1. Ижтимоий-маданий масалалар / Туризм]

II. ИЧКИ ТУРИЗМ САЛОҲИЯТИНИ РИВОЖЛАНТИРИШ БЎЙИЧА ЧОРАЛАР

13.	«Ўзбекистон бўйлаб саёҳат қил!» ички туризмни ривожлантириш Дастурида иштирок этишга ишчиларни, маҳалла фаолларини, аёллар жамоасини, меҳнат фахрийлари ва ўқувчиларни, шу жумладан асосан чекка ҳудудлардаги аҳоли пунктлари ўқувчиларига алоҳида эътибор қаратган ҳолда ёш туристлар ва ўлкашунослик тўгараклари аъзоларини жалб қилиш мақсадида кенг тарғиботни ўтказиш.	ҳар йили тасдиқланадиган жадвалга асосан	Аниқ жадвалли ҳаракатлар режасининг тасдиқланишини кўзда тутувчи ижрочилар қарори	Ўзбекистон ёшлар иттифоқи, Халқ таълими вазирлиги, Олий ва ўрта-махсус таълим вазирлиги, Ўзбекистон Хотин-қизлар қўмитаси, Ўзбекистон Касаба уюшмалари федерацияси кенгаши, «Маҳалла» жамғармаси, «Нуроний» жамғармаси
14.	Она ўлка тарихи, археологик ва маданий меросни чуқурлаштирилган ҳолда ўрганиш, мамлакатнинг табиий бойликлари билан танишиш, экология ва атроф муҳитни муҳофаза қилиш соҳасидаги билимлар асосини эгаллашга йўналтирилган умумтаълим мактаблари ва «Баркамол авлод» болалар марказларининг ўлкашунослик ва экология тўгараклари фаолиятини кучайтириш бўйича комплекс чоралар Режасини тасдиқлаш. Кўрсатиб ўтилган тўгараклар иштирокчилари ичидан ёш мутахассисларни тайёрлаш, мутахассислар томонидан туризм соҳасида кейинчалик уларнинг малакасини ошириш билан экскурсиялар ва турлар ташкил этилишини таъминлаш.	2018 йил март	Комплекс тадбирлар режаси	Халқ таълими вазирлиги, Ўзбекистон ёшлар иттифоқи, Туризмни ривожлантириш давлат қўмитаси, вазирлик ва идоралар
15.	Мамлакат ҳудудларининг туристик салоҳияти тўғисида видео-ахборот роликлар, шунингдек, «Ўзбекистон бўйлаб саёҳат қил!» ички туризмни ривожлантириш Дастури доирасида амалга ошириладиган чора-тадбирларга бағишланган бир қатор сюжетла� ва кўрсатувлар тайёрлаш ва республика ҳамда жойлардаги телерадиоканалларда бепул асосда ҳар куни 10 марта (эрталаб 07.00 дан 09.00 гача ва кечқурун 18.00 дан 21.00 гача) трансляция қилиш.	2018 йил февраль ойидан	Ижрочилар қарори	МТРК, ЭОАВМА, Ўзбекистон ёшлар иттифоқи, Туризмни ривожлантириш давлат қўмитаси, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари
16.	Туризм соҳасини бюджетдан ташқари қўллаб-қувватлаш жамғармаси маблағлари ҳисобига молиялаштириладиган, тасвирга олиш ишлари ва реклама маҳсулотлари тайёрлашни ўз ичига олган мукофот жамғармаси бўлган «Ички туризмни тарғиб қилиш бўйича энг яхши телекўрсатувлар сценарийси» мавзуида ҳар йили танлов ўтказиш.	ҳар йили 1 мартга қадар	Ижрочилар қарори	Туризмни ривожлантириш давлат қўмитаси, Қорақалпоғистон Республикаси Вазирлар Кенгаши, Бухоро, Жиззах, Қашқадарё, Самарқанд, Сурхондарё, Тошкент, Фарғона, Хоразм вилоятлари ва Тошкент шаҳри хокимликлари, тадбиркорлик субъектлари
17.	Ички туризмни ривожлантиришга, туристик маҳсулотларни диверсификация қилишга, мамлакатда туризмнинг мавсумийлиги ва ҳудудий концентрациясининг қисқартирилишига кўмаклашиш масадида, фуқароларнинг Ўзбекистон тўғрисида хилма-хил туристик маҳсулот таклиф этувчи, туристик дестинация (туристларни жалб этувчи географик ҳудуд) йил бўйи давом этиши тўғрисида хабардорлигини оширишга йўналтирилган комплекс маркетинг кампаниялари ўтказишни таъминлаш, шунингдек, ички туристик хизматларнинг домий истеъмолчилари контингентини кенгайтириш. Бунда маркетинг кампаниясини ўтказиш доирасида қуйидагиларни назарда тутиш: Ўзбекистон Республикаси тарихий-маданий объектлари тўғрисида қизиқарли маълумотларга эга бўлган аудио-, видео-энциклопедиялар ва фильмлар ишлаб чиқариш ҳамда уларни тизимли равишда миллий телевидениеда трансляция қилиш; жойлардаги ижро ҳокимияти органлари томонидан журналистик турлар (ҳудудлардаги алоҳида туристик жойлар ва объектларнинг тақдимотига йўналтирилган мавзуга оид саёҳатлар) ўтказиш; Ўзбекистон Республикасида туризм тўғрисидаги ижтимоий рекламани яратиш ва телевидение, радио, электрон ва босма оммавий ахборот воситалари, ижтимоий медиа, ташқи реклама воситалари орқали тарқатиш; мавжуд ва янги телекўрсатувларга, даврий нашрлар ва интернет лойиҳаларига ички туризмни ривожлантиришни тарғиб қилувчи ва маҳаллий аҳолини туризм соҳасида оилавий бизнесни очишга ва олиб боришга, шу жумладан, меҳмонхона уйлар яратиш ва қишлоқ жойларда туристларга турли хизматлар кўрсатишга ўргатувчи ички туризм мавзуларини жорий қилишни қўллаб-қувватлаш ва рағбатлантириш; замонавий ахборот технологияларидан фойдаланган ҳолда ижтимоий тармоқларда ишлаш ва махсус ўйинлар контентини яратиш билан биргаликда мактаб ва ёшлар мақсадли аудиторияси учун туристик маҳсулотни ишлаб чиқиш; реклама маҳсулотларини тайёрлаш (ташқи экранлар учун баннерлар ва видеороликлар) ва уларни мамлакат ҳудудларининг энг кўп бориладиган жойларига ўрнатиш.	2018-2019 йиллар	Ижрочилар қарори	Туризмни ривожлантириш давлат қўмитаси, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, вазирлик ва идоралар, МТРК, Ўзбекистон матбуот ва ахборот агентлиги, ЎзА, ЭОАВМА
18.	Ўзбекистон Республикаси Давлат туризмни ривожлантириш қўмитаси раисининг қарорига кўра ички туризм доирасидаги чора-тадбирларни ёритиш билан шуғулланувчи ва тарғиб этувчи босма нашрларга, блогерларга, фотосуратчиларга, изланувчиларга туристик соҳани бюджетдан ташқари қўллаб-қувватлаш Жамғармаси маблағлари ҳисобидан (грантлар) ҳар йили 1 млрд сўмдан кўп бўлмаган (бир ОАВ га 50 млн сўмдан кўп бўлмаган, блогерларга, фотосуратчиларга, изланувчиларга — 20 млн сўмдан кўп бўлмаган) беғараз молиявий ёрдам ажратиш.	2018 йил март-апрель	Давлат туризмни ривожлантириш қўмитаси раисининг қарори	Туризмни ривожлантириш давлат қўмитаси, оммавий ахборот воситалари
19.	Ҳар йили 500 дан ортиқ туристга хизмат кўрсатувчи туристик фаолият субъектларига электрон тўлов, банд қилиш (брон), эквайринг ва бошқаларни ўз ичига олган хизматларни тақдим этувчи кўп тилдаги веб-сайт бўлиши шартлиги тўғрисидаги лицензиявий талабларни ўрнатиш.	2018 йил апрель	Вазирлар Маҳкамасининг қарори	Туризмни ривожлантириш давлат қўмитаси, вазирлик ва идоралар
20.	Республика ҳудудлари, шаҳарлари ва туманларининг барча илгари тасдиқланган брендларининг инвентаризациясини ўтказиш ва якуни бўйича Ўзбекистон Республикасининг тасдиқланган ягона ва инвестицион брендидан келиб чиқиб, туристик брендларни ишлаб чиқиш умумреспублика танловини эълон қилиш. Ҳудуд, унинг тарихи, маданий хилма-хилликлари ва индивидуал факторларини ҳисобга олган ҳолда барча брендлар услубининг бир хиллигини таъминлаш. Республика минтақалари ва ҳудудларининг брендларини ишлаб чиқиш, шунингдек, ҳар йили туристик брендларни мамлакат ичида ва ундан ташқарида илгари суриш учун маҳаллий бюджетлардан зарур маблағларни ажратиш.	2018 йил октябрь	Ижрочилар қарори	Туризмни ривожлантириш давлат қўмитаси, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Маданият вазирлиги, Бадиий академия, Спорт давлат қўмитаси, Фанлар академияси, Интеллектуал мулк агентлиги, вазирлик ва идоралар
21.	«Энг яхши меҳмонхона» (даражалар бўйича), «Энг яхши меҳмон уйи», «Ўтовли энг яхши лагерь», «Энг яхши туроператор» ва «Энг яхши гид» (йўналишлар бўйича), «Энг яхши транспорт ташкилоти», «Энг яхши умумий овқатланиш пункти», «Энг яхши блогер», «Энг яхши журналист» ва бошқа алоҳида номинациялар бўйича ҳар йили «Uzbekistan Tourism Industry Awards» мукофотини ташкил этиш ва ўтказиш.	2018 йилдан бошлаб ҳар йили	Вазирлар Маҳкамасининг қарори	Туризмни ривожлантириш давлат қўмитаси, Маданият вазирлиги, МТРК, Савдо-саноат палатаси, вазирлик ва идоралар
22.	Интернет тармоғи ва ОАВда кенг ёритилишини назарда тутган ҳолда халқаро ва республика велотурлари ва веломарафонлари, шунингдек, шаҳарлар ва туристик аҳамиятга эга бошқа жойлар бўйлаб туристик сафарлар бўйича турнирларни мунтазам равишда ташкил этиш ва ўтказиш.	мунтазам равишда	Ижрочилар қарори	Спорт давлат қўмитаси, Туризмни ривожлантириш давлат қўмитаси, вазирликлар ва идоралар