1. Fuqarolik jamiyatini qurish, strategik maqsad

33.Erkin saylovlarni o'tkazishda ommaviy axborot vositalarining roli

Saylov komissiyalarining saylov okruglari va uchastkalarini­ tuzish, saylov komissiyalari­ning tarkibi to‘g‘risidagi, shuningdek, deputatlikka nomzodlarni ro‘yxatga olish, ovoz berish va saylov yakunlari haqidagi qarorlari matbuotda e’lon qilinadi.Saylov kampaniyasi boshlanganligi Markaziy saylov komissiyasi tomonidan ommaviy axborot vositalarida e’lon qilinadi. Xusu­san, «O‘zbekiston Respublikasi Oliy Majlisiga saylov to‘g‘risida»gi qonunning 19-moddasiga ko‘ra «Say­lov kampaniyasi boshlanganligi avvalgi chaqiriq Qonunchilik palatasi deputatlarining vakolat muddati tugashidan kamida uch oy oldin Markaziy saylov komissiyasi tomonidan omma­viy axborot vositalarida e’lon qilinadi», xuddi shu­ningdek, «O‘zbekiston Respublikasi Prezidenti say­lo­vi to‘g‘risida»gi qonunning 8-moddasiga binoan «O‘z­bekiston Respublikasi Prezidenti saylovi bo‘yicha saylov kampaniyasi boshlanganligi O‘zbekiston Respublikasi Prezidentining vakolat muddati tugashidan kamida uch oy oldin Marka­ziy saylov komissiyasi tomo­nidan ommaviy axborot vosi­talarida e’lon qilinadi».«Fuqarolar saylov hu­quqlarining kafolatlari to‘g‘risida»gi qonunning 15-moddasida saylovchilar saylovda ishtirok etayotgan siyosiy partiyalar va ayrim nomzodlarning kelgusi ­faoliyat das­turi bilan ­tanishish huqu­qiga egaligi belgilangan.SHuningdek, har bir fu­qaroga uning saylov hu­quqlari sud orqali himoya etilishi, saylov komissiyalarining, davlat organlarining, mansabdor shaxslarning, jamoat birlashmalarining g‘ayriqonuniy xatti-harakatlari ustidan sudga shikoyat qilish imkoniyatlari kafolatlanadi.Kuch ishlatish, aldash, qo‘r­­qitish orqali yoki bosh­qa yo‘l­lar bilan fuqarolar­ning saylash va saylanish, referendumda ishtirok etish, say­lovoldi tashviqotini olib borishdan iborat­ huquqlaridan foydalanishiga to‘sqinlik qilish, shuningdek, hujjatlarni sox­ta­­lash­tirish, ovozlarni atayin noto‘g‘ri sanash, referendum to‘g‘risidagi, saylov to‘g‘risidagi qonunlarni o‘zgacha tarzda bu­zish O‘zbekiston qonunlari­ga muvofiq javob­garlikka tortishga sabab bo‘ladi.SHuni alohida ta’kidlash lozimki, 2010 yilda Prezi­dentimiz Islom Kari­mov tomonidan taqdim etilgan Mamlakatimizda demo­kratik islohotlarni yanada chuqurlashtirish va fuqarolik jamiyatini rivojlantirish konsepsiyasi O‘zbekistonda demokratik saylov tizimini­ rivojlantirishning yangi bosqi­chini boshlab berdi. Ushbu hujjatdagi saylov jarayonini yanada demokratlashtirishga, xususan, «saylovoldi tashviqoti» tushunchasiga aniq ta’rif berish, uni olib borish turlari, shakl hamda usullarini, shuningdek, muddatidan oldin ovoz berish tartib-qoidasini belgilash, jamoatchilik fikri so‘rovlari ma’lumotlaridan foydalanishni tartibga solishga qaratilgan qonunchilik­ tashabbuslari o‘ta muhim ahamiyat kasb etadi.Konsepsiya doirasida 2012 yilda «Saylov erkinligining bundan buyon ham ta’minlanishi va saylovga oid qonun hujjatlarining rivojlantirilishi munosabati bilan «O‘zbekiston Respublikasi Oliy Majlisiga saylov to‘g‘risida»gi hamda «Xalq deputatlari viloyat, tuman va shahar Kengashlariga saylov to‘g‘risida»gi O‘zbekiston Respublikasi qonunlariga o‘zgartish va qo‘shimchalar kiritish haqida»gi qonunning qabul qilinishi, 2014 yilda Konstitutsiyaning 117-moddasiga Markaziy saylov komissiyasini shakllantirish va faoliyatini demokratlashtirishga oid tuzatishlar ki­ritilgani ham joriy yilda o‘tkazilishi mo‘ljallanayotgan saylovni yanada ko‘tarinkilik va yuksak uyushqoq­lik bilan tashkil etishga qo‘shimcha huquqiy kafolatlar yaratishi shubhasiz.