1. Fizik kechalarni tashkil etish va o’tkazish bo’yich uslubiy tavsiya

II bosqich:

Hayot formulasi. Bunda guruhlarga oq qog‘oz tarqatiladi va unga o‘quvchilar tebranishlarga doir formulalarni yozib borishlari kerak. Qanchalik ko‘p formula yozishsa, guruh shuncha ko‘p ball to‘playdi.

III bosqich:

Krossvord. Guruhlarga “Tebranish” mavzusiga oid krossvordlar tarqatiladi va hay'at a'zolari o‘quvchilar ishni boshlashlaridan oldin vaqtni belgilab oladilar. Qaysi guruh birinchi bo‘lib topshiriqni bajarsa, o‘sha guruh g‘olib hisoblanadi. Krossvordni o‘qituvchilar kollektivi yoki hay'at a'zolari tomonidan tuzish mumkin.

IV bosqich:

“Kim ko‘p?”. Guruhlarga “elektromagnetizm” so‘zi yozilgan varaq tarqatiladi. Bunda “Tebranish” mavzusining har bir harfiga iloji boricha ko`p so‘z tuzish kerak. Kim ko`p yozsa, o‘sha g‘olib hisoblanadi.

V bosqich:

Sardorlar bellashuvi. Har bir sardor rasmda tasvirlangan asbobni oladi. Topshiriq: olgan asbob yordamida turli xil tebranish jarayonlarini ko`rsatish va tushuntirish kerak. Kim ko`p hodisani ko‘rsatsa va tushuntirsa, o‘sha g‘olib bo‘ladi.

VI bosqich:

“Bir mayatnik diskatekadan qaytayotib ketvorgan tezlikni uchratib qoldi. U poyezd oldida ko`zlari to‘rt bo‘lib, Rezonansni kutardi. Biroq, Rezonans...” kelmadi.

Tezlik katta chastotada bezovtalana boshladi, biroq shu payt uning cho‘ntagidagi uyali telefoni jiringlab qoldi. Bu qo‘ng‘iroqni fazalar siljishi qildi. U Rezonans bilan Grafik to‘qnashib qolib, avtomobil halokatida halok bo‘lganini yetkazdi. Tezlik xonim Rezonanssiz yashay olmasligini bilardi. Nima qilish kerak? Uning hayotida eng qiyin davr boshlandi.

VII bosqich:

Pantomimo. Guruh sardori qura topshiriq oladi. Undagi topshiriqda guruh sahna ko`rinishi o‘ynab ko‘rsatishi (masalan, rezonans, harakatlanayotgan mayatnik, tebranish konturini tasvirlashi) kerak, boshqa guruhlar nima tasvirlanganini o‘ylab topishlari kerak.

VIII bosqich:

Aytishuv. Bu konkurs dasturning qo‘shimcha qismi hisoblanadi. Uning maqsadi shundan iboratki, taqdim etilgan har bir ibora yoki ma'nosi bo‘yicha teskarisini iloji boricha tez aytish kerak. Bunday ibora (yoki so‘zlarni) guruhlar oldindan tayyorlaydilar, ularning javoblarini esa raqib guruhlar yozadilar. Masalan, “tebranuvchi harakat” iborasi beriladi, uning teskarisi “takrorlanmaydigan tinchlik” iborasi bo‘ladi.

“TURLI MUHITLARDA DIFFUZIYA HODISASI” mavzusidagi kecha

T/r	Bosqichlar va topshiriqlar	Komandalar (guruhlardan) olingan ballar (5 ballikda)
I	Salomlashish, tanishtiruv
II	“Turli muhitlarda diffuziya hodisasi”ga oid munozara
III	Sardorlar bellashuvi
IV	Sahna ko‘rinishi
V	Jami: