1. Fizik kechalarni tashkil etish va o’tkazish bo’yich uslubiy tavsiya

Suyuqliklar muvozanati.

Savol: Uchdan ikki qismi suv bilan to`ldirilgan stakan oling. Stakanga yarim probirka kunga boqar moyi qo`ying. Stakanga tegmay turib moyni probirkaga qanday qilib qayta solish mumkin.

Javob: probirkaning chetini qandaydir qattiq moy bilan moylab, unga suv quying. Probirkaning og`zini barmoq bilan berkitib, uni to`nkaring va shu tarzda stakanga tushuring. Probirkaning qirralarini suv sirtiga keltiring. Moy suvdan yengil bo`lgani uchun suzib probirka ichiga kiradi.



Savol: Simob ichida po`lat sharcha suzib yuribti. Agar simob ustiga suv quyilsa, sharchaning simobga botishi o`zgaradimi?

Javob: Sharchaga ta`sir etuvchi itaruvchi Arximed kuchi ortadi. Arximed kuchining bu ortishi suvga botib turga sharcha qismi siqib chiqargan suvning og`irlik kuchiga teng. Shuning uchun sharchaning simobga botish chuqurligi kamayadi.

Savol: Ikkita bir xil idish suv bilan limmo-lim to`ldirilgan. Ulardan birida yog`och suzib yuribdi. Idishlar taroziga qo`yilsa, ularning qaysi biri tarozi pallasini bosadi.

Javob: Suzib yurgan yog`ochning suvga botgan qismi siqib chiqargan suvning og`irligi yog`ochning o`sha qismining og`irligiga teng bo`lgani tufayli ikkala idishning ham og`irligi bir xil bo`ladi.

Savol: Suv solingan idish ichida tarozi toshi bo`lgan stakan suzib yuribti. Agar tarozi toshi stakan ichidan olinib idish tubiga quyilsa, idishdagi suvning sathi qanday o`zgaradi?



Javob: Tarozi toshi stakan ichida turgan vaqtda, u siqib chiqargan suvning og`irligiga teng va demak, bu suvning hajmi tosh hajmidan katta shuning uchun toshni stakandan olib idish ichiga qo`yganda idishdagi suv sathi kamayadi.