1. Фасадларни табиий тош ашёлар-мармар, гранит ва бошқа плиталар билан қуруқ усулда қоплаш кнауф жамлама тизимларининг элементлари

32-расм.
Пол элементларини тўшаш схемаси.

Бурама михлар қадами 30 см дан ошмаслиги керак. Узунлиги 19 мм ли бурама михлар қўлланилади, 1 м²га бурама михлар сарфи 15 дона. Қирраларни елимлаш учун махсус елим ёки ПВА елими қўлланилади.

Пол қопламаси линолеум, ковролин ва бошқа шу каби тўшамалардан қилинадиган бўлса пол элементларининг чоклари “Фугенфюллер ГВ” шпаклёвкаси ёрдамида ёпилади, шчитли ва донали паркет, сопол плиталар бўлса шпаклёвка қилинмайди. Шпаклёвка қилинган жойлар қуриганидан сўнг силлиқланади ва грунтланади.
Намга чидамли гипстолали қопламалардан қилинган йиғма асосларнинг устунликлари:

• 
  Ишларнинг бажарилиш муддатларини қисқартириб, меҳнатталаблигини камайтиради.
  
• 
  Юк кўтариб турувчи конструкцияларга тушадиган юкни камайтиради.
  
• 
  Полнинг иссиқлик ва товуш ўтказмаслик параметрларини оширади.
  
• 
  Электр ва кам қувватли симларни ўтказиш учун қувурлар қўйишни осон-лаштиради.
  
• 
  Ёнғиндан ҳимоя қилиш талабларига жавоб беради.
  
• 
  Пол қопламалари учун асоснинг юқори тайёргарлигини таъминлайди.
  
• 
  Хоналарда меъёрий ҳарорат-намлик ҳолатини сақлаш имконини яратади.
  

Бинодан фойдаланиш даврида хоналар таъмирланиши ва бошқа фойдаланиш йўналишига ўзгартирилиши, шу билан бирга пол қопламаси ҳам ўзгартирилиши мумкин. Қопламани ўзгартириш катта меҳнат сарфини талаб қилмайди. Пол асосини алмаштириш нисбатан мураккаб ҳисобланади. Шу сабабли, қопламани алмаштириш осон бўлиши учун асос юзаси текис ва қаттиқ бўлиши, текисловчи қатлам чўкмайдиган, иссиқ ва товушдан ҳимоялайдиган хусусиятларга эга бўлиши керак. Бу айтиб ўтилган хусусиятларнинг ҳаммасини йиғма асослар ўзида жамлаган (33-расм).

33-расм.
Ёғоч асосли пол конструкцияси.

Йиғма асосларни қуришда лазерли ёки сувли сатх ўлчагич, узунлиги 3 м бўлган алюминли сатх ўлчагич, узунлиги 2,5 м ли алюминли текислагич, электр шуруп бурагич, шпателлардан фойдаланилади (34,35-расмлар).