1. Фанга доир умумий тушунчалар, фаннинг мақсади ва вазифалари; Метрологиянинг ривожланиш тарихи, мақсад ва вазифалари; Асосий атама ва таърифлар

Европа стандартлаштириш қўмитаси. СЕН ташкилий тузилмаси.
1961 йилда ташкил этилган Европа стандартлаштириш қўмитаси (СЕН)га Европа иттифоқига аъзо 28 давлатнинг стандартлаштириш бўйича миллий идоралари киради. Булар Австрия (ON), Бельгия (IBN/BIN), Буюк Британия (BSI), Венгрия (MZSH), Германия (DIN), Греция (ELOT), Дания (DS), Ирландия (NSAI), Исландия (STRI), Испания
(AENOR), Италия (UNI), Кипр (CYS), Латвия (LVS), Литва (LST), Люксембург (SEE), Мальта (MSA), Нидерландлар (NNI), Норвегия (NSF), Польша (PKN), Португа­лия (IPQ), Словакия (UNMS), Словения (SMIS), Финлян­дия (SFS), Франция (AFNOR), Чехия (CNI), Швейцария (SNV), Швеция (SIS), Эстония (EVS) давлатларидир.
СЕНга аъзоликка миллий идоралар дастлаб тегишли аудитдан ўтадилар ва кейин СЕНнинг белгиланган талабларига мослиги тасдиқлангандан кейин, улар аъзоликка қабул қи- линадилар.
СЕН ўз фаолиятини қуйидаги принциплар асосида ташкил этади:

• 
  ошкоралик ва очиқлик, барча манфаатдор томонлар стандартлаштириш бўйича миллий идораларга мурожаат қилиб, стандартлаштириш ишларида иштирок этишлари мумкин;
  
• 
  консенсус, стандартлар ўзаро ихтиёрий келишувлар асосида ишлаб чиқилади;
  
• 
  миллий аъзоларнинг мажбуриятлари ва техник келишувчанлик, миллий идоралар Европа стандартларини миллий стандарт сифатида қабул қилишлари ва Европа стандартла- рига мос бўлмаган бошқа стандартларни бекор қилишлари зарур;
  
• 
  СЕН Европа комиссияси билан узвий алоқада иш олиб боради;
  
• 
  СЕНда ҳақиқий аъзолар билан бирга, ассоциацияланган, аффилирацияланган аъзолар ҳамда 2003 йилда жорий этилган ҳамкор-миллий стандартлаштириш идоралари фа- олият кўрсатади.
  

Ассоциацияланган аъзолар — саноатнинг алоҳида тармоқлари бўйича Европа ташкилотлари, истеъмолчилар, атроф- муҳит ҳимояси билан боғлиқ фаолиятдаги манфаатдор то­монлар, кичик ва ўрта корхоналар бўлиб, улар СЕНнинг Бош Ассамблеяси (овоз бериш ҳуқуқисиз), Маъмурий ва Техник бюролар ишида иштирок этишлари ва барча керакли Ҳужжатларни (хусусан, стандартлар лойиҳаларини) олиш- лари мумкин. Ассоциацияланган аъзолар қаторига Европа кимё саноати кенгаши (CEFIC), Европа медицина ускуналарини ишлаб чиқариш бўйича ассоциациялари конфедерацияси (EUCOMED) ва бошқалар киради.