1. Ekologiya huquqi uning predmeti va obektlari

Ekinzor, o’rmon yoki boshqa dov-daraxtlarga shikast
etkazish yoki ularni nobud qilish (O’zR JK 198- moddasi)
Jinoyat ob’ekti ekinzor, o’rmonlar yoki boshqa dov-daraxtlarni muhofaza qilish va ulardan foydalanish bo’yicha manfaatlardir.
Ekinzor deganda urug’ yoki ko’chatlar ekib o’stirilgan o’simlik maydonlari tushuniladi.
O’rmon - er, daraxt, buta va boshqa o’simliklar, hayvonlar, parrandalar, mikroorganizmlar va boshqa tabiat unsurlarining jamidir.
O’simliklar kasalliklari yoki zararkunandalari bilan kurash talablarini buzish (O’zR JK 199- moddasi)
Jinoyatning ob’ekti ekologik xavfsizlik, qishloq saligi (paxtachilik, sholichilik) va h. k. dir.
Ob’ektiv tomondan jinoyat o’simliklar kasalliklari yoki zararkunandalariga qarshi kurash talablarini buzish og’ir oqibatlarga sabab bo’lishida ifodalanadi. Mazkur modda blanket dispozitsiyalidir. Shu munosabat bilan ko’rib, chiqilayotgan jinoyatni kvalifikatsiya qilishda har bir alohida ishda o’simliklarning kasalliklari yoki zararkunandalariga qarshi kurashning qaysi talabi buzilganligini aniklash zarur. Bular kasalliklar, turli zararkunandalar tarqalishining oldini olish va ularni tugatishga qaratilgan agrotexnik, kimyoviy, mexanik tadbirlarni o’tkazish bo’yicha talablardir. Jinoiy javobgarlik o’simliklar kasalliklari yoki zararkunandalariga qarshi kurash talablarining buzilishi og’ir oqibatlarga sabab bo’lgan hollarda vujudga keladi
Veterinariya yoki zootexnika qoidalarini buzish
(O’zR JK 200- moddasi)
1993 yil 3 sentyabrda qabul qilingan O’zbekiston Respublikasining „Veterinariya to’g’risida"gi qonuni hayvonlarni muhofaza qilishning ko’pgina masalalarini tartibga soladi.
Jinoyatning ob’ekti qishloq xo’jaligi, chorvachilik manfaatlaridir.
Hayvonlar va parrandalarning epidemiya kasalliklari tarqalishi deganda, turli joylarda yuqumli kasallikning tarqalish o’choklari paydo bo’lganligi tushuniladi. Ayrim hollarda bu qoidalarning buzilishi chorva va parrandalarning kasallanishiga yoki shu kasalliklar tarqalishining oldini oluvchi epidemiyaga qarshi davolash tadbirlarini o’tkazmaslikda namoyon bo’ladi.