1-dars. Mavzu: O'zbekistonda davlat tili va boshqa tillarning rivoji

Kelgusi rejalar:

O'qituvchi: Pedagogik texnologiyalarni o'zlashtirish va darsda tatbiq etish, takomillashtirish, o'z ustida ishlash. Pedagogik mahoratni oshirish. O'quvchi: Mustaqil ishlashni o'rganadi. O'z fikrini ravon bayon qila oladi. O'rganilgan mavzu asosida qo'shimcha materiallar izlaydi, ularni o'rganadi. Do'stona muhitda, hamkorlikda ishlash ko'nikmasi shakllanadi.

Darsning borishi: Tashkiliy qismda o'quvchilarga o'zlari bilan olib kelgan badiiy kitob, gazeta, jurnallarini olishni aytamiz. Bular mustahkamlash jarayonida kerak bo'ladi. O'tilgan darslarning qanday o'zlashtirganliklari natijasi «Qadam-baqadam» deb ataluvchi mashg'ulot asosida «Ko'makchi fe'llarni top» mavzusida uyushtiriladi.

1-qadam: Kichik guruhlarga (har 4 ta o'quvchiga) quyidagi ko'rinishda tarqatmalar beriladi. O'quvchilar yozilgan so'zlarni diqqat bilan o'qib chiqib qarshisiga ko'makchi fe'llarni qo'yishlari (yozishlari) kerak bo'ladi:

	1-qadam	2-qadam		3-qadam
o'tmoq
yetaklamoq
tushmoq
yashirmoq

2-qadamda guruhlar tarqatmalarini boshqa guruhlar bilan almashtirgan holda yetakchi fe'l bilan ko'makchi fe'llarni o'zaro biriktiruvchi shakllarni aniqlaydilar.