1. Бухгалтерия баланси тугрисида умумий тушунча Бухгалтерия баланси

3. 
   ДАРС. БУХГАЛТЕРИЯ БАЛАНСИ
   

1.Бухгалтерия баланси тугрисида умумий тушунча
Бухгалтерия баланси - пул бахосида ифодаланган ва муайян санага тузилган, мол-мулкни унинг таркиби ва жойлащтирилиши ҳамда уни шакллантириш манбалари буйича иктисодий гурухлаштириш ва умумлаштириш усулидир.
Баланс уз тузилишига кўра икки томонли жадвалдан иборат. Мол-мулкнинг таркиби ва жойлаштирилиши келтириладиган чап кисм "актив” деб номланади, ўнг кисм мол-мулкни шакллантириш манбаларини акс эттиради ва “пассив ” дейилади. Демак, баланснинг чап ва ўнг қисмларида бир нарса, яъни корхонанинг мол-мулки, аммо турли гурухланишларда акс эттирилади. Мол-мулкнинг хар бир тури корхонага бирор-бир манба хисобига келиб тушади. Шунинг учун активнинг умумий суммаси пассивнинг умумий суммасига тенг булиши керак (баланс валютаси). Баланс (французчадан balance - тарози) тенглик, мувозанат аломатини англатади.
Баланс умумлаштируви объектларни акс эттиришнинг иккиёклама хусусияти билан тавсифланади, унинг маъноси шундан иборатки, объектлар балансда икки маротаба кўрсатилади ва икки жихатдан куриб чикилади.
Бухгалтерия баланси корхонанинг хисобот даври учун молиявий ахволи туғрисидаги ахборотнинг энг мухим манбаи хисобланади. Унинг ёрдамида мол-мулкнинг таркиби ва тузилиши, корхонанинг фойдалилиги ва унинг ликвидлилиги, айланма маблагларининг айланувчанлиги, дебиторлик ва кредиторлик карзларининг холати ва динамикаси аникланади.
Баланс тенглигини куйидаги тенглама куринишида тасаввур этиш мумкин:
Активлар = Мажбуриятлар + Хусусий капитал
Хусусий капитал = Активлар - Мажбуриятлар