1. Bozorlar, savdo komplekslari, ularga tutash bo‘lgan avtomobil vositalarining to‘xtash joylarida soliq qonunchiligiga rioya etilishini tekshirish

Nazorat uchun savollar:
1. Bozorlar, savdo komplekslarida sayyor soliq tekshiruvi o’tqazish tartibini aytib bering?
2. Sayyor soliq tekshiruvi jarayonida hujjatlarni olib qo’yish tartibi qanday?


14-Mavzu: Sayyor soliq tekshiruvi natijalarini rasmiylashtirish (A)
Reja :
1. Sayyor soliq tekshiruvi natijalarini rasmiylashtirish
2. Sayyor soliq tekshiruvi dalalatnoma rasmiylashtirish tartibi


Tayanch iboralar: Sayyor soliq tekshiruvi, sayyor soliq tekshiruvi natijalari, Sayyor soliq tekshiruvi natijalarini rasmiylashtirish

Sayyor soliq tekshiruvi natijalarini rasmiylashtirish
Sayyor soliq tekshiruvida soliq to‘lovchi tomonidan sayyor soliq tekshiruvini o‘tkazuvchi mansabdor shaxsning o‘z hududi va binolariga kirishiga to‘sqinlik qilingan taqdirda, sayyor soliq tekshiruvini o‘tkazuvchi mansabdor shaxs tomonidan mazkur Nizomning 7-ilovasiga muvofiq dalolatnoma tuziladi.
Bunday dalolatnoma asosida soliq organi soliq to‘lovchi to‘g‘risida o‘zida mavjud bo‘lgan ma’lumotlar yoki xuddi shunday soliq to‘lovchilar to‘g‘risidagi ma’lumotlar asosida to‘lanishi lozim bo‘lgan soliq summasini mustaqil tarzda aniqlashga haqli.
Dalolatnoma sayyor soliq tekshiruvini o‘tkazuvchi mansabdor shaxs va soliq to‘lovchi tomonidan imzolanadi. Soliq to‘lovchi ko‘rsatilgan dalolatnomani imzolashni rad etgan taqdirda, mazkur dalolatnomaga tegishli yozuv kiritiladi.
Sayyor soliq tekshiruvi natijalari bo‘yicha sayyor soliq tekshiruvini o‘tkazuvchi mansabdor shaxs tomonidan mazkur Nizomning 8-ilovasiga muvofiq shaklda qat’iy hisobda turadigan sayyor soliq tekshiruvi dalolatnomasi tuziladi.
Sayyor soliq tekshiruvi dalolatnomasi ikki nusxada tuziladi va soliq organi mansabdor shaxslari hamda soliq to‘lovchi tomonidan imzolanadi.
Sayyor soliq tekshiruvi dalolatnomasining bir nusxasi soliq to‘lovchiga dalolatnoma bilan tanishib chiqib, uni olganligi va sanasi ko‘rsatilgan imzosi orqali topshiriladi.
Soliq to‘lovchi sayyor soliq tekshiruvi dalolatnomasini olishdan bosh tortganda, ushbu dalolatnomaga tegishli yozuv kiritiladi va uning nusxasi elektron hujjat tarzida soliq to‘lovchining shaxsiy kabinetiga yuboradi yuboriladi. Yuborilgan hujjatlar soliq to‘lovchi tomonidan o‘qib chiqilganidan keyin, lekin ushbu hujjat jo‘natilgan sanadan e’tiboran uch kundan kechiktirmay olingan deb hisoblanadi.
Agar soliq to‘lovchida soliq to‘lovchining shaxsiy kabineti mavjud bo‘lmasa, dalolatnoma pochta orqali buyurtma xat bilan yuboriladi va u jo‘natilganidan so‘ng besh kundan keyin olingan deb hisoblanadi.
Sayyor soliq tekshiruvi dalolatnomasi soliq to‘lovchiga topshirilgan kun yoki unga yuborilgan kun soliq tekshiruvi yakunlangan kun deb hisoblanadi.
Sayyor soliq tekshiruvini o‘tkazish uchun asos bo‘lgan hujjatlarning nusxalari, tekshiruv davomida rasmiylashtirilgan hujjatlar, ekspert va mutaxassislar xulosalari, sayyor soliq tekshiruvi davomida olingan materiallar, shuningdek, sayyor soliq tekshiruvi doirasidagi harakatlarning bajarilishini tasdiqlovchi boshqa hujjatlar sayyor soliq tekshiruvi dalolatnomasiga ilova qilinadi.
Sayyor soliq tekshiruvi davomida soliq to‘g‘risidagi qonunchilik hujjatlarining buzilishi faktlari aniqlangan taqdirda, aniqlangan soliqqa oid huquqbuzarliklar bo‘yicha ish yuritish Soliq kodeksida belgilangan tartibda amalga oshiriladi.