1-боб. Бухгалтерия ҳисобининг концепциялари ва тамойиллари

Ушбу мавзуни ўрганиб чиқиб Сиз қуйидагиларни билиинингиз лозим:

1. 
   ТМЗларнинг таьрифини
   
2. 
   ТМЗларнинг баҳоланишини
   
3. 
   Товар моддий захираларнинг таннархини
   
4. 
   ТМЗлар қиймати баҳоланишининг усулларини
   
5. 
   Таннархнииг ҳисоблаш усулларини
   
6. 
   ТМЗларнинг сотиш бўйича соф қийматини баҳолашни
   
7. 
   ТМЗларнинг узлуксиз ва даврий ҳисоблаш тизимларини
   
8. 
   Харажатларнинг тан олинишини
   
9. 
   Инвентар ва хўжалик асбобларининг ҳисобини
   
10. 
    Инвентарлашни
    
11. 
    ТМЗлар билан боғлиқ бўлнан ёритишларни
    

1. ТМЗларнинг таърифи
ТМЗлар - бу операцион фаолият вақтида сотилиш ёки сотилиш учун мўлжалланган товарларни ишлаб чиқариш учун сотиб олинган товарлар кўринишида бўлган активлардир. Кўп холатларда захиралар савдо ва ишлаб чиқариш компаниялари жорий активларининг кўп қисмини ташкил этади.
Товар-моддий захираларнинг ҳисоби 4-сонли «Товар-моддий захиралар» БХМАсига мувофиқ олиб борилади.
Товар-моддий захира (ТМЗ) лар - бу хўжалик юритувчи субъектларнинг қуйидаги шаклдаги активлардан иборат:

• 
  ишлаб чиқариш ва хизмат кўрсатиш жараёнида ишлатилиши кўзда тутилган хом ашё,материаллар,сотиб олинган ярим тайёр маҳсулотлар ва бутловчи буюмлар,ёқилги.эхтиёт қисмлар, бошқа материаллар ҳамда арзон баҳоли ва тез эскирувчан буюмлар(АТБ);
  
• 
  тугалланмаган ишлаб чиқариш, ишларни бажариш ва хизматларни кўрсатиш;
  
• 
  хўжалик юритувчи субъектнинг одатдаги фаолияти вақтида сотилишга мўлжалланган тайёр маҳсулот, товарлар.
  

Хизматларни кўрсатишда товар-моддий захираларнинг таркибига корхона томонидан хали тан олинмаган даромад бўйича харажатлар киритилади.
Арзон баҳоли ва тез эскирувчан буюмлар (АТБ) - бу 1 йил кам бўлган муддатда хизмат қилувчи инвентар, меҳнат воситалари ва буюмлардир. АТБга ўтказиш тартиби Ўзбекистон Республикаси Молия вазирлиги томонидан белгиланган, Янги счётлар режасига мувофиқ ушбу АТБлар 1080 ''Инвентар ва хўжалик жихозлари" счётида ҳисобга олинади.