1-боб. Бухгалтерия ҳисобининг концепциялари ва тамойиллари

4-2.ДАРОМАДНИ ТАН ОЛИШ
Адвокатлар Ойбек ва Анвар «Адолат» компанияси билан юридик хизмат кўрсатиш учун контракт тузди. Контрактда 2002 йил 15 ноябрда умумий суммаси 60000 сўмга тенг бўлган тўлов тўланиши кўрсатилган. Фараз қилайлик, Ойбек ва Анвар контрактни бажариш билан боғлиқ келгусидаги бевосита харажатларни ишончли баҳолай олади.Ойбек ва Анварнинг ҳисоб китоби бўйича қуйидаги хизматлар кўрсатилади.
Суд жараёнини ўрганиш 5000 сўм 2002 йил 15 декабр
Хужжатларни таёрлаш ва тақдим этиш 15000сўм 2003 йил 1 март
Суд жараёнида «Адолат» компаниясига
адвокатлик хизматини кўрсатиш 20000 сўм 2003 йил 15 октябр
Топширик:
1.Ойбек ва Анвар учун даромадни тан олишнинг қайси усули маъкул эканлигини кўрсатинг?
2.Ойбек ва Анварнинг ушбу контрактига тегишли бўлган даромадларини тан олишни акс эттирувчи бухгалтерия ўтказмаларини тузинг.


5 - БОБ.ПУЛ МАБЛАҒЛАРИ ВА ОЛИНАДИГАН СЧЁТЛАР ҲИСОБИ
Ушбу бобни ўрганиб чиққач,Сиз қуйидагиларни билишингиз лозим:

1. 
   Ликвидли активларнинг асосий турларини
   
2. 
   Пул маблағлари ва уларнинг элементларти ҳисобини
   
3. 
   Олинадиган счётлар
   
4. 
   Даргумон дебиторлик қарзларни ўлчанишини
   
5. 
   Кредитга соф сотишдан фоиз усулини
   
6. 
   Дебиторлик қарзларини тўлов муддати бўйича ҳисобга олиш усулини
   
7. 
   Олинган векселларнинг акс эттирилиш ва ҳисобини
   

1. Ликвидли активларнинг асосий турлари
Жорий активлар ликвидлилик даражаси бўйича ўз ичига қуйидагиларни киритади:

1. 
   Пул маблағлари ва уларнинг эквивалентлари
   
2. 
   Қисқа муддатли инвестициялар
   
3. 
   Олинадиган счётлар
   
4. 
   Товар-моддий захиралар
   
5. 
   Олдиндан тўланган харажатлар
   

2. Пул маблағлари ва уларнинг эквивалентларининг ҳисоби
Пул маблағлари - бу энг ликвидли активлар бўлиб, улар айрибошлашни эквивалент воситаси ва молиявий ҳисобнинг барча бошқа объектларини ўлчаш ва ҳисобга олишнинг асоси сифатида таърифланади. Пул маблағлари таркибига киритилиш учун ушбу маблағлар қарзларни қоплаш мақсадида фойдаланиш имкониятини камайтирувчи хеч қандай чекловларга эга бўлмаслиги лозим.
Пул маблағлари мажбуриятларни зудлик билан тўлаш учун ишлатилиши мумкин бўлган турдаги маблағларни ўз ичига олади. Пул маблағларига молиявий муассасалардаги жорий счётлардаги қолдиқлар, нақд купюрлар, тангалар, валюталар, кичик кассанинг нақд пуллари ва молиявий муассасалар томонидан муддатли депозитлар ва муомаладан чиқариш учун қабул қилинган, корхона кассасидаги муайян ўтказиб бериладиган пул хужжатларидир¹. Бу ўтказиладиган пул хужжатларига оддий чеклар, касса ордерлари, мижозлар чеклари, пул ўтказмалари ва бошқа ҳисоб-китоб воситалари киради. Баланснинг «Пул маблағлари» моддасидаги қолдиқ пул счётларига кирадиган барча турдаги маблағларни акс эттиради.