1-bob. Akademik litseylarda Axborot texnologiyalari fanining o‘qitilish holati 6

Akademik litseylarda Axborot texnologiyalari fanining mazmuni

O‘zbekiston Respublikasi Prezidenti I.A.Karimovning O‘zbekiston Respublikasi Oliy Majlisi Qonunchilik palatasi va Senatning 2010 yil 27 yanvar kuni bo‘lib o‘tgan qo‘shma majlisidagi ―Mamlakatni modernizasiya qilish va kuchli fuqarolik jamiyati barpo etish – ustivor maqsadimizdir‖, hamda Vazirlar Mahkamasining 2010 yil 29 yanvar kuni bo‘lib o‘tgan majlisidagi ―Asosiy vazifamiz – Vatanimiz taraqqiyoti va halqimiz farovonligini ya‘nada yuksaltirishdir‖ mavzularidagi ma‘ruzalarida ham o‘quv jarayoniga yangi axborot –kommunikasiya va pedagogik texnologiyalarni, elektron darsliklar hamda multimedia vositalarini keng joriy etish hisobiga mamlakat maktablari, kasb-hunar kollejlari va liseylarida, oliy ta‘lim muassasalarida ta‘lim berish sifatini tubdan yaxshilash, ta‘lim muassasalarining o‘quv-laboratoriya bazasini eng zamonaviy o‘quv va laboratoriya uskunalari, kompyuter texnikasi bilan mustaxkamlash vazifalari qo‘yilgan.
Yuqoridagilar asosida ta‘lim tizimidagi fanlarni o‘qitishda uzviylik va uzluksizligini ta‘minlash maqsadida, har bir fanning mazmunini qayta taxlildan o‘tkazish, Davlat ta‘lim standartlari va o‘quv dasturlarini takomillashtirish, ta‘lim bosqichlari bo‘yicha uning uzviyligi va uzluksizligini ta‘minlash asosida tubdan isloh qilish zarur bo‘ladi. Akademik lisey va kasb-hunar kollejlari o‘quv rejasida umumta‘lim predmeti sifatida kiritilgan «Axborot texnologilari» o‘quv predmeti ham bundan mustasno emas.
Axborot texnologiyalari fani o‘quv dasturi o‘rta maxsus, kasb–hunar ta‘lim muassasalari (akademik lisey va kasb-hunar kollejlari) uchun mo‘ljallangan.[4]
Fanning asosiy maqsadi – o‘quvchilarni axborot madaniyatli qilib tayyorlash, ya‘ni ularni zamonaviy axborot texnologiyalarining usul va vositalari
haqidagi bilimlarini chuqurlashtirish, shuningdek, ulardan o‘z kasbiy faoliyatlarida foydalana olish ko‘nikma va malakalarini shakllantirishdan iborat.

Bu akademik lisey va kasb-hunar kollejlari o‘quvchilariga:

• 
  axborot texnologiyalari usul va vositalaridan o‘qish davomida va kelajakdagi kasbiy faoliyatida foydalana olish;
  
• 
  axborotni tashkil qilish va izlab topish;
  
• 
  ajratib olingan axborotni tizimga solish, umumlashtirish va boshqa odamlarga tushunarli shaklga keltirish;
  
• 
  zamonaviy axborot texnologiyalari yordamida axborot va bilimlarni almasha olishlariga imkoniyat yaratadi.