1-БЎлим. Бахтли ҳаёт асослари бахтнинг баҳоси қанча?

ПРОФЕССОРНИНГ САБОҒИ 
4
Манба: “Ирфон” тақвимининг 2015-йилги 3-сони, 91-бети. 
5
Бу мақола Алихонтўра Соғунийнинг илмий суҳбатлари асосида тайѐрланди. 

---

10 
Профессор сув тўлдирилган стаканни олди. Қўлларини олдинга узатиб талабалардан сўради: 
– Стаканнинг вазни қанча деб ўйлайсизлар? 
Синфга жон кирди, ҳар ким ўзича тахмин қилди. 
– Икки юз грамм чиқар-ов. Балки уч юз граммдир. Бор-е, ана беш юз грамм бўлсин. 
– Тортиб кўрмагунча, аниқ вазнини барибир билиб бўлмайди. Лекин ҳозир бу муҳим эмас. 
Сўрамоқчи бўлганим: агар идишни шу ҳолда бир неча дақиқа ушлаб турсам, нима бўлади? 
– Ҳеч нарса. 
– Тўғри, ҳеч нарса бўлмайди, – деди профессор. – Дейлик, икки соат ушлаб турсам-чи, унда 
нима бўлади? 
– Қўлларингиз оғриб кетади. 
– Бир кун тутиб турсам-чи? 
– Қўлларингиз уюшиб, тамом бўлади. Мушакларингиз шикастланиши ҳам мумкин. Балки 
даволанишингизга тўғри келар. 
– Кун бўйи ушлаб турсам, стаканнинг вазни ўзгарадими? 
– Асло йўқ! 
– Хўш, бу аҳволдан қутулиш учун нима қилишим керак? 
– Идишни қайтариб стол устига қўйинг! 
– Яшанглар! – юзига кулги югуриб жавоб берди профессор. – Ҳаѐтда учрайдиган 
қийинчиликлар ҳам шунга ўхшайди. Агар муаммолар ҳақида бир неча дақиқа ўйласангиз, улар сизга 
яқинлашади. Фикрингизни бир неча соат улар билан банд қилсангиз, тинкангизни қурита бошлайди. 
Кун бўйи шу муаммолар дарди билан юрсангиз борми, миянгиз фалажланиб қолиши – тўғри қарор 
қабул қилолмайдиган ҳолга келиши аниқ. Муаммолар ҳақида ўйлайвериш бирон-бир яхши натижага 
олиб бормайди. Бу билан муаммонинг “вазн”и ҳам ўзгариб қолмайди. Улар билан курашишнинг ягона 
йўли – ҳаракат қилиш. Муаммони ҳал қилинг ѐки бир четга суриб қўйинг. Юрагингизга юк бўлиб 
тушадиган оғир тошларни – қайғули ўй-хаѐлларни кўтариб юриш ярамайди
6
.