1-БЎлим. Бахтли ҳаёт асослари бахтнинг баҳоси қанча?

БУНИ ЁДДА ТУТИНГ! 
Олимлар айтишича, тушкунлик стенокардия, артрит, астма, диабет каби сурункали 
касалликлардан ҳам хавфлироқ экан. 
ЧУМОЛИДАН ОЛИНГАН ИБРАТ 
Бир куни Амир Темурдан сўрашибди: 
– Сизнинг оддий бекликдан шундай буюк салтанат соҳиби даражасига етишингизга нима ѐрдам 
берди? 
– Мен ҳеч қачон умидсизликка тушмадим. Бу борада чумолидан ўрнак олдим. Бир куни 
душманларимдан қочиб, бир харобага беркиндим. Ҳамма нарсадан умидимни узиб, тушкунликка 
тушиб ўтирганимда кўзим бехос бир чумолига тушди. У ўзининг танасидан деярли икки баравар катта 
буғдой донасини олиб кетарди. Унинг йўлида ѐғоч парчаси бор эди. Чумоли унинг устига чиқишга 
ҳаракат қилар, бироқ юки оғирлигидан чиқолмас, ўзидан оғир юки ерга тушиб кетарди. Буғдой донаси 
юмалаб, девор тагига тушар, чумоли қайтиб тушиб, ризқини олиб кетишга ҳаракат қиларди. Бу ҳолат 
50 мартадан ҳам кўпроқ такрорланди. Чумоли ниҳоят мақсадига етди. Бу кичкина жонзотнинг 
ҳаракатини кўриб, юрагимда шижоат, умид пайдо бўлди. Ўз-ўзимга дедим: “Наҳотки, бир чумолича 
ғайратим бўлмаса?!” Шундан кейин мақсадимга эришгунча ҳеч қандай тўсиқдан чўчимадим
8
. 
РУҲИЙ ТУШКУНЛИК ДАВОСИ 
1. Аламларни ҳадеб ичга ютаверманг, бу ўзингизга қарата ўқ узишдек гап. 
2. Хатоларингизни табиий ҳол деб қабул қилинг. Бу, янглиш ишлардан тўғри хулоса чиқаришга 
ѐрдам беради. 
3. Кучингизни тўғри тақсимланг, муҳим ишлар биринчи даражали, қолганлари кейинги 
ўринларда турсин. Эришган ютуқларингиздан хурсанд бўлишни ўрганинг. 
4. Ёлғизликка берилманг. Айниқса, стресс вақтида одамлар билан бирга бўлинг, дўстларга 
қўнғироқ қилинг, янги танишлар орттиринг, машғулотларингизни кўпайтиринг. 
5. Бўлиб ўтган кўнгилсиз воқеани ўйлаб, ўзингизга шундай савол беринг: “Муаммога жуда 
катта аҳамият бериб юбормаяпманми? Шу нарса асабийлашишимга арзийдими? Бундан баттар 
бўлганида, қийинчиликни енгиб ўта олармидим?” 
Бу саволларга жавоб топиш вазиятга холис, ҳис-ҳаяжонсиз, хотиржам баҳо беришга ундайди. 
8
Манба: “Ирфон” тақвимининг 2010-2011-йилги 1-сони, 42-бети. 

---

13