1-basqısh (20 minut) Ózbekstan respublikasíndaǵÍ ekonomikalíQ, sociallíq-siyasiy waqíyalarǵa baylaníSLÍ maǵLÍwmatlar

PREZIDENTLIKKE TALABAN BAHROM ABDUHALIMOV: ““SANALI MEDICINA” SISTEMASIN QÁLIPLESTIRIP, “MEDICINA XIZMETKERI” STATUSIN BELGILEW TIYIS”
Xalıqqa kepillikli medicinalıq xızmet kórsetiw, medicina xızmetkerleri miynetin xoshametlew, zamanagóy texnologiya hám emlew usılların keń engiziw, densawlıqtı saqlaw sistemasın qayta qáliplestiriw búgingi kúnniń aktual wazıypalarınan biri bolıp tabıladı.

Prezidentlikke talaban Bahrom Abduhalimov nawayılı saylawshılar menen ushırasıwda “Sanalı medicina” sistemasın qáliplestiriw boyınsha tásirli nızamshılıq mexanizmlerin islep shıǵıp, xalıqtıń medicinalıq mádeniyatın asırıw boyınsha “Milliy baǵdarlama” qabıllaw, sonıń menen birge, “Medicina xızmetkeri” statusın belgilew kerek, dep esaplawın belgiledi.

- Densawlıqtı saqlaw salasındaǵı ústin turatuǵın maqsetimiz awılda hám tálim sistemasında medicinalıq xızmetti sapa tárepinen jańa basqıshqa kóteriw bolıp tabıladı, - dedi B. Abduhalimov. - Biz mektepler hám mektepge shekem tálim mákemelerinde balalarǵa medicinalıq xızmet kórsetiw sistemasın bekkemlew maqsetinde ámelge asırıp atırǵan islerimizdi izbe-iz dawam ettiremiz.

Medicinanıń baslanǵısh buwının kúsheytiw, ásirese, awıl hám máhállelerde medicinalıq xızmetti sapa tárepinen jańa basqıshqa kóteriw, “Medicinalıq mádeniyat” sistemasın jaratıp, xalıqqa zamanagóy, joqarı texnologiyalı, qánigelestirilgen hám maman medicinalıq xızmet kórsetiwdi támiyinlewdi óz aldımızǵa maqset etip alǵanbız.