1. Аудиторлик текширувининг стратегиясини белгилаш. Аудитни режалаштириш. Режалаштиришдан олдинги тайёргарлик

8. Эксперт хизматидан фойдаланиш.
Аудиторлик фаолиятига оид турли хизматларни кўрсатиш даврида текширилаётган корхоналар хусусиятлари, баъзан, фаолиятнинг муайян доираларида махсус билимларга эга бўлишликни талаб қилади. Тушунарлики, аудитор корхона ишлаб чиқариш-хўжалик фаолиятининг барча томонларини малакали текшириши ёки маълум жиҳатларини баҳолаш имкониятига эга эмас. Ушбу сабабларга кўра жиддий муаммолар ва аҳамиятли хатолар очилмасдан ва аниқланмасдан қолиши мумкин. Шу боис, аудиторлар ва аудиторлик фирмалар аудиторлик текширувини ўтказишга бошқа мутахассисларни, яъни экспертларни жалб қилиш ҳуқуқига эгадир.
Эксперт – бу бухгалтерия ҳисоби ва аудитдан бошқа бўлган жавҳада билимлар, кўникмалар ва иш тажрибасига эга бўлган мутахассисдир. Эксперт қуйидаги масалалар бўйича гувоҳномалар ёки хулосалар тақдим этиши мумкин:

• 
  асосий воситаларни баҳолаш;
  
• 
  узоқ муддатли контрактлар бўйича бажарилган ишларни баҳолаш;
  
• 
  товар-моддий бойликларни, шу жумладан, улар миқдори ва таркибларини баҳолаш;
  
• 
  фойдали қазилмалар захираларини тоғ-кончилик нуқтаи назаридан аниқлаш ва уларни тавсифлаш;
  
• 
  тузилган шартномалар, амалдаги қонунчилик ва йўриқномалар юзасидан ҳуқуқий маслаҳатлар бериш;
  
• 
  ошкоравий муносазаралар ва суд жараёнлари натижалари тўғрисида ҳуқуқий нуқтаи назаридан фикр билдириш.
  

Барча ушбу ишлар турини бажариш учун қуйидаги мутахассислар жалб этилиши мумкин:

• 
  актуарийлар (суғурта бўйича мутахассислар);
  
• 
  кўчмас мол-мулкни баҳоловчилар;
  
• 
  ҳуқуқшунослар;
  
• 
  геологлар;
  
• 
  муҳандислар;
  
• 
  агрономлар;
  
• 
  зоотехниклар;
  
• 
  ветеринар тиббий ходимлари.
  

Мутахассисларнинг юқорида қайд этилган рўйхати текширувнинг аниқ шароитларига кўра кенгайтирилиши мумкин.
Аудиторлик текшируви билан боғлиқ бўлган ёки текширув натижалари бўйича аудитор билан бир қаторда масъулиятли бўлиш учун, билимнинг қайсидир бир тор жавҳаси бўйича ҳаққоний маълумотлар олиш мақсадида эксперт хизматларидан фойдаланилади. Аудиторлик текшируви вақтида экспертлар сифатида жисмоний шахслар билан бир қаторда, юридик шахслар ҳам жалб қилинишлари мумкин. Эксперт тегишли малакага эга эканлигини тасдиқловчи ҳужжатларга (жисмоний шахс учун) ва мазкур фаолият билан шуўулланиш ҳуқуқини тасдиқловчи давлат томонидан берилган махсус рухсатномага эга бўлиши (юридик шахс учун) лозим.