1-amaliy mashg‘ulot. Mavzu: Umumiy turdagi davlat va nodavlat maktabgacha ta’lim tashkilotlarining umumiy va farqli jihatlari. Reja

Otajonova Sevinch
5-amaliy mashg‘ulot
Mavzu: Maktabgacha ta’lim tashkilotida kadrlar ish vaqtining taqsimlanishi va mexnatga xaq to‘lash.
Reja:

1. 
   Maktabgacha ta’lim tashkilotida kadrlar ish vaqtining taqsimlanishi.
   
2. 
   Maktabgacha ta’lim tashkilotida mehnatga xaq to‘lash.
   

Amaliy mashg‘ulot maqsadi: Maktabgacha ta’lim tashkilotida va maktablardagi kadrlar masalasi ham Pedagog kadrlar uchun mehnatga haq to‘lash va ish vaqti masalalarida yuzaga keladigan savollarga huquqiy malumotlar olish.
Ta’lim metodlari:Sinkveyn metodi, klaster, BBB metodi
Ta’lim vositalari:Tayanch matn, ekspert topshiriqlar.
Kutilayotgan natija:Magistrlar maktabgacha ta’lim tashkiloti xodimlari uchun ish haqilarini malaka toifasiga va davlat maktabgacha ta’lim muassasasining turiga bog‘liq ravishda tabaqalashtirilshi, rag‘batlantirish va ish yuklamasi miqdorlarining belgilanishini o‘rganishadi.
Kichik ma’ruza:
O‘zbekiston Respublikasi Vazirlar Mahkamasining 2018 yil 5 yanvardagi 10-son qaroriga binoan “Davlat maktabgacha ta’lim tizimi xodimlari mehnatiga haq to‘lash va ularni moddiy rag‘batlantirish tartibi to‘g‘risida” Nizom tasdiqlangan. Ushbu Nizomda maktabgacha ta’lim muassasalari pedagog xodimlari haq to‘lash va ish vaqtlari belgilangan.
Maktabgacha ta’lim tashkilotida kadrlar ish vaqtining taqsimlanishi.
Pedagog xodimlar uchun haftalik ish yuklamasining quyidagi miqdorlari belgilanadi:
• til bo‘yicha o‘qituvchi — 18 soat;
• o‘qituvchi-logoped, o‘qituvchi-defektolog — 24 soat;
• jismoniy yoki psixik rivojlanishida nuqsoni bo‘lgan bolalar uchun ixtisoslashtirilgan davlat maktabgacha ta’lim muassasasi tarbiyachisi, tarbiyachi-metodisti — 25 soat;
• tarbiyachi, tarbiyachi-metodist — 36 soat;
• aqliy rivojlanishda kamchiligi bo‘lgan o‘quvchilar va tarbiyalanuvchilar hamda markaziy asab tizimi ruhiyati buzilgan holda shikastlangan bolalar uchun maktabgacha ta’lim muassasasi yordamchi tarbiyachisi — 36 soat.
Davlat maktabgacha ta’lim muassasasida pedagog xodimlarning haftalik ish yuklamasi ishning ushbu turi bo‘yicha ish vaqti normal davom etishining 1,5 baravaridan ortiq bo‘lmasligi lozim.