1-amaliy mashG‘ulot ko‘rsatmasi mavzu: Chizma qalamlar bilan ishlash. Kvadratlar to‘rini chizish. Chiziqlarni uzaytirish usulida chizmalar chizish Injenerlik grafikasining mohiyati va uni boshqarish usullari

1-AMALIY MAShG‘ULOT KO‘RSATMASI

Mavzu: Chizma qalamlar bilan ishlash. Kvadratlar to‘rini chizish. Chiziqlarni uzaytirish usulida chizmalar chizish

Injenerlik grafikasining mohiyati va uni boshqarish usullari. Injenerlik grafikasi plan va xaritalarda tasvirlanayotgan joy to‘g‘risida aniq va to‘liq ma’lumot berishi bilan boshqa chizmalardan farq qiladi. Xarita va planlarni o‘qish qulay bo‘lishi uchun ularda tasvirlanadigan shartli belgilarni to‘g‘ri orientirlab nafis, kichik qilib 0,1 mm aniqlikda chizish injenerlik grafikasi mohiyatini belgilaydi.

Injenerlik grafikasining sifati, unumdorligi uni bajaruvchining mahorati, chizish usullarini to‘g‘ri bajarishi, ishlatilayotgan chizma asboblarning sozligi, ish joyining orastaligi, ish joyining keraklicha yoritilishiga bog‘liqdir.

Ish boshlashdan oldin chizma qurollar sozlanib, ma’lum o‘rganilgan tartibda ish stoli ustiga joylashtiriladi. Ishlatilgan qurol tozalanib, o‘z joyiga qo‘yiladi.

Ish joyiga yorug‘lik, chap tomondan yoki oldindan tarqoq shaklda tushgani ma’qul.