1-Amaliy mashg’ulot ishi Mavzu: mikroorganizmlar uchun oziqa muhitlarni tayyorlash usullari

1-Amaliy mashg’ulot ishi

Mavzu: mikroorganizmlar uchun oziqa muhitlarni tayyorlash usullari.

1. 
   Tabiiy oziqa muhitlar (Go’sht, sut, kartoshka va boshqalar).
   
2. 
   Sun’iy oziqa muhitlar (Go’sht pepton buloni GPB, Go’sht pepton agari GPA, kartoshkali oziqa muhiti, dukkakli qaynatma, somonli qaynatma, tuproqli agar).
   
3. 
   Sintetik oziqa muhitlar (Chapeka va Omelyanskiy oziqa muhiti).
   

Topshiriq va mashg’ulot o’tish tartibi: Mikroorganizmlarni o’stirish uchun tayyorlanadigan oziqa muhitlarning tarkibi va tayyorlash texnologiyalari bilan tanishish (Go’sht-pepton buloni, kartoshkali oziqa va Chapeka oziqasi). 50 gramm qiyma torozida tortib 200 ml. li kolbaga solinadi va ustiga 2 barobar qilib suv solinadi va go’sht suvi tayyorlanadi. Talabalar mustaqil ravishda tayyor go’sht suvidan GPB va GPA oziqa muhit tayyorlaydilar. rN ni 7,4-7,6 ga teng qilib, oziqa muhitlarni probirka va kolbalarga solib avtoklavda 1 atm. bosimda 30 minut sterilizatsiya qiladilar. Avtoklavdan olingan probirkadagi agarlar qiyshiq qilib qo’yiladi, kolbadagilar esa Petri likobchalarga solib qotiriladi.

Metodik ko’rsatma:

Laboratoriya sharoitida mikroorganizmlarni o’stirish uchun har bir mikroorganizmning fiziologik guruhlariga ko’ra maxsus oziqa muhitlari tayyorlanadi. Shu sababli har bir mikroorganizmni ajratish va xususiyatini o’rganishda oziqani tarkibi, konsistentsiyasi, kelib chiqishi va ishlatilishi har xil bo’lgan oziqa muhitlari kerak bo’ladi. Oziqa muhitlari tabiiy yoki sun’iy bo’ladi.

Tabiiy – oziqa muhitlariga sut, tuxum, go’sht, sabzavotlar va boshqalar kiradi.