1-Amaliy mashg‘ulot Avtotransport vositalarining yonilg‘i moylarini ifloslanishini o‘rganish Ishdan maqsad

3-Amaliy mashg‘ulot
Mashina detallarini qayta tiklash usullari va ularni tahlil qilish
Ishdan maqsad. Mashinalarning nuqsonlarini aniqlab, qayta tiklash usul­la­rini tahlil qilib, qulay usulini qo‘llashni o‘rganish.

Ishni bajarish yo‘riqlari. Mavzuni nazariy jihatdan adabiyotlardan o‘rga­nib, o‘qituvchi tomonidan berilgan detalda sodir bo‘lishi mumkin bo‘lgan nuq­son­larni ta’mirlash usulini tanlash.

Nazariy qism. Mashinalarni ta’mirlashning uch xil usuli ma’lumdir:

- yakka tartibda ta’mirlash usulida, ta’mirlash uchun muayyan mashina­dan echib olingan detallar, uzel va agregatlar ta’mirlangandan so‘ng, shu mashi­na­ning o‘zi­­ga o‘rnatiladi. Yakka tartibda ta’mirlash usulining ijobiy tomoni, ta’mir­lash ish­larini tashkil qilishning ancha oddiyligidir, chunki bunda barcha avval­dan mos­lash­gan yaroqli (ta’mirlash talab etilmaydigan) detallar juftligi shu agre­gat, yoki ma­shinaning o‘ziga o‘rnatiladi. Bu esa, qoldiq resurs­dan foydalanish imkonini be­ra­di. Ta’mirlashning bu usuli ta’mirlash guru­hi­dan, ishida o‘zaro bog‘liqlik hosil qi­li­shni talab qilmaydi, uni fermer xo‘jaliklararo ustaxonalarida tashkil qilish mumkin.

- tanlamaslik usuli bilan ta’mirlaganda, echib olingan detal, uzel va qism­­lar ta’­mirlangandan so‘ng ixtiyoriy mashinaga o‘rnatiladi. Tanlamasdan ta’­mir­lash usu­lida yaroqli yoki ta’mirlangan detallar, uzellar, agre­gat­lar­ning ta’mir­lanadigan ma­shinaga tegishli ekanligiga e’tibor berilmaydi va yig‘ish jarayonida ular shu xil­da­gi ta’mirlanadigan ixtiyoriy mashinaga o‘rna­ti­­lishi mumkin. Bu usul qator kam­chi­liklarga ega. Birinchidan, muayyan mashi­nadagi birikmaning o‘z­aro mos­lash­gan yaroqli detallari komplektsizlantiri­la­di, ya’ni yig‘ishda birik­ma detallari yeyilish darajasi har xil bo‘lgan de­tal­lar bilan birlashtirilgan bo‘li­shi, ular esa o‘z­aro mos­lashmagan bo‘lishi mum­kin. Ikkinchidan, yig‘ishda hosil bo‘l­gan bi­rik­ma mos­lashish jarayonida nis­batan tez yeyiladi va shu sababli agregat, yoki uzelning resursi pasayadi. Tanlamasdan ta’mirlash usuli katta ustaxonalarda, maxsus zavod­larda keng qo‘llaniladi.

- agregat usulida ta’mirlashda, mashinadan yechib olingan (ta’mirlashni ta­lab qiluvchi) agregat va uzellar o‘rniga avvaldan ta’mirlab qo‘yilgan yoki yangi­lari o‘rnatiladi. Agregat usulida ta’mirlashda butun jarayon agregatni almash­lirish bilan bog‘liq bo‘lgan ajratish-yig‘ish operatsiyalarini bajarishga bag‘ishlanadi. Bu esa mashinalarni ta’mirlashda turib qolishini keskin ka­may­tiradi. Mashinadan echib olin­gan agregatlar to‘g‘ridan-to‘g‘ri maxsus ta’­mir­lash korxonalariga ta’mirlash uchun jo‘natiladi. Shuning uchun ham ta’mir­lashning bu usulini uncha katta bo‘lmagan fermer xo‘jaliklararo usta­xonalarda o‘tkazish maqbuldir.

Traktor asosiy qismlarining chegaraviy holati quyidagi hollarda sodir bo‘ladi.