1 Амалиёт. Техника хавфсизлиги инструктажларини урганиш

II. Ишга рухсат бериш
2.1. Ишга рухсат бериш:
- наряд-рухсатномадаги ишларни бажаришдан олдин;
- ҳар куни иш бошланишидан олдин наряд-рухсатномада расмийлаштириш билан амалга оширилади.
2.2. Ишлар бошлангунча ишлар раҳбари ва рухсат берувчининг бажариши лозим бўлган мажбуриятлари:
2.2.1. Хавфли ишларнинг хавфсиз бажарилишини таъминлайдиган зарурий тайёргарлик ишлари ва тадбирларининг бажарилишини таъминлаш.
2.2.2. Наряд-рухсатномада қайд этиш билан масъул ижрочи ва бригада аъзоларини йўриқдан ўтказиш.
2.2.3. Ишларни хавфсиз бажариш учун иш жойининг тайёрлигини наряд-рухсатномада кўзда тутилган меҳнат хавфсизлигига оид тадбирларнинг тўлиқ ва тўғри бажарилишига алоҳида эътибор бериб текшириш.
2.3. Камчиликлар бўлмаса, ишлар раҳбари масъул ижрочи ва рухсат берувчи ходим билан биргаликда наряд-рухсатномага ёзиш билан бригадага рухсатнома беришни расмийлаштиради. Шу вақтдан бошлаб бригада иш бажаришга киришиши мумкин.
2.4. Бригадага ҳар кун (ҳар ой) рухсатнома беришни ишлар бошланишидан олдин наряд-рухсатноманинг барча нусхаларига тегишли ёзувлар ёзиш билан ишлар раҳбари, ҳамда ишларнинг масъул ижрочиси бажаришади.
2.5. Бригада таркибини қисман ўзгартириш фақат наряд-рухсатнома берувчи раҳбарнинг рухсати билан ва 50% дан ошмаганда бажарилади, ҳамда ишлар раҳбарининг имзоси билан киритилади. Бригаданинг таркибига қўшимча киритилган ишчиларга меҳнат хавфсизлигига оид йўриқлар наряд-рухсатномада қайд этиш билан ўтказилади.


III. Ишларни бажариш юзасидан текширув ва назорат
3.1. Хавфи юқори бўлган ишларни бажариш юзасидан меҳнат хавфсизлигини таъминлашга оид тадбирлар бажарилишининг мунтазам текшируви наряд-рухсатнома берувчи шахс, шунингдек корхона ва бўлинмаларда қабул қилинган текширув тизимларига мос равишда бошқа ходимлар томонидан ҳам амалга оширилади.
3.2. Ишларни бажариш шароитлари, ишларни мазмуни ўзгарган, шунингдек меҳнат хавфсизлиги талабларига риоя қилмаслик ҳоллари аниқланганда, наряд-рухсатноманинг ҳамма нусхаси олиб қўйилади ва ишларни янгидан бошлашга фақат янги наряд-рухсатнома берилгандан сўнг ижозат берилади.
3.3. Хавфи юқори бўлган ишларни бажаришнинг доимий назорати ишлар раҳбари ва ишлар масъул ижрочиси зиммасига юкланади.