1 – variant savol “Maxsus fanlarni o’qitish metodikasi’ fanining predmeti, maqsadi va vazifalari

Фаннинг мақсади: « Махсус фанларини ўқитиш методикаси» фанини ўқитишдан мақсад талабаларни келажакда таълим тизимида фаолият юритиши давомида таълим олувчиларнинг таълими ва тарбияси жараёнида юзага келадиган қийинчиликларни еча олишида ҳамда уларнинг умумтехника, махсус технология ва ишлаб чиқариш таълими дарсларини олиб боришига ёрдам берадиган методик касбий билим, кўникма ва малакаларини шакллантиришдир.
Магистр ҳамма турлардаги касбий ўқув юртларида касбий таълим бериш бўйича ишлашга тайёрланади. Магистр бўйича малака тавсифномаси психолого-педагогик тайёрлашни ҳам кўзда тутади. Методик тайёрлашнинг моҳияти магситрни келгусидаги унинг педагогик фаолият технологияси, яъни таълим бериш ва тарбиялаш технологияси бўйича малакаларини шакллантиришдир.
Фаннинг вазифалари:

• 
  талабаларда касб таълими методикасининг терминологик тушуниш аппаратини шакллантириш;
  
• 
  таълимни ташкил қилиш шакллари, мақсади ва вазифаларини лойиҳалаш бўйича кўникма ва малакаларни шакллантириш;
  
• 
  таълим жараёнининг ташкил этилганлигини таҳлил қилиш ва уни самарали баҳолай билиш;
  
• 
  касбий таълим йўналиши бакалаврларининг методик ишлари тизими бўйича тушунчаларни ҳосил қилиш;
  
• 
  касбий ва умумтехник билим ва кўникмаларни ҳосил қилиш жараёнида ўқувчилар фаолиятини ташкил этиш ва уни бошқаришни лойиҳалаб олиш бўйича малакаларини шакллантириш.
  

2. 
   Savol.
   

Davlat ta’lim standartlari (DTS). Uning ishlab chiqilishiga qo’yiladigan talablar.
DAVLAT TA’LIM STANDARTLARI

TO‘G‘RISIDA NIZOM

1. Umumiy qoidalar.
1.1. O‘zbekiston Respublikasining «Ta’lim to‘g‘risida»gi Qonunning 7-moddasiga, «Kadrlar tayyorlash milliy dasturi»ga muvofiq Respublikada idoraviy bo‘ysunishi va mulkchilik shakllaridan qat’iy nazar ta’lim muassasalarining barcha turlari uchun majburiy bo‘lgan davlat ta’lim standartlari (DTS) belgilanadi.
1.2. DTS-standartlashtirish ob’ektiga nisbatan me’yorlar va talablarni belgilaydi hamda «Standartlashtirish to‘g‘risida»gi O‘zbekiston Respublikasi qonuniga muvofiq tasdiqlanadi.
1.3. DTS kadrlar tayyorlash sifatiga, ta’lim mazmuniga nisbatan qo‘yiladigan talablarni, ta’lim oluvchilar tayyorgarligining zarur va etarlicha darajasini hamda ta’lim muassasalarini bitiruvchilariga nisbatan qo‘yiladigan malaka talablarini, o‘quv yuklamasining zarur hajmini, ta’lim muassasalari faoliyatini va kadrlar tayyorlash sifatini baholash tartibi va mexanizmini belgilaydi.
1.4. DTS ta’lim jarayonini va ta’lim muassasalari faoliyatini baholashni tartibga soluvchi boshqa me’yoriy hujjatlarni yaratish uchun asos hisoblanadi.