1 – Тажриба иши

4-semestr
1	Ochiq chiziqli sistemalarni tadqiq qilish.
2	Avtomatik boshqarish sistemalarining vaqt xarakteristikalarini tadqiq etish.
3	Dinamik sistemalarning chastotaviy xarakteristikalarini tadqiq etish
4	Chiziqli avtomatik boshqarish sistemalarining turg‘unligini algebrik me'zonlar bo‘yicha tadqiq etish
5	Dinamik sistemalarni turg‘unligini Naykvist mezoni bo‘yicha tekshirish
6	Chiziqli sistemalarning rostlash sifatini oshirish usullarini tekshirish
7	Simulink paketida boshqarish sistemalarini loyihalash
8	Chiziqli sistema uchun rostlagichlarni loyihalash
9	Tipik nochiziq elementli avtomatik boshqarish sistemalarini tekshirish.
	5-semestr
10	Nochiziqli avtomatik sistemani fazalar tekisligi usuli bilan EHMda tekshirish. Popov usulida nochizikli sistemalarni mutloq turg‘unligining taxlili.
11	Nochiziqli boshqarish sistemalarini modellashtirish
12	Nochiziqli sistemalarni optimallashtirish
13	Matlab muhitida dasturlash.
14	Impulsli sistemalarning turg‘unligini tadqiq etish.
15	Impulsli sistemalarning rostlash sifatini oshirish usullarini tekshirish
16	Uzluksiz rostlagichlarning raqamli realizatsiyasi
17	Tasodifiy jarayonlarning korrelyasion funksiyasi va spektral zichliklarini tadqiqot qilish
18	Tasodifiy ta'sirlada ochiq chiziqli sistemalarni tadqiq qilish

« Avtomatik Boshqarish nazariyasi» fani
bo‘yicha laboratoriya xonasida rioya qilinishi kerak bo‘lgan
texnika xavfsizligi qoidalari

Ushbu laboratoriya xonasida ishlatiladigan asboblar va qurilmalarning taxminan to‘qson foizi, elektr energiyasi bilan oziqlanganligi sababli, xona ichida ish olib boruvchi har bir xodim, o‘qituvchi va talabalar texnika xavfsizligi qoidalariga qat’iy rioya qilmoqliklari lozimdir.

Ko‘pincha, avtomatik rostlash va boshqarish tizimlarining ishlash qonuniyatlari asosida elektr energiyasini bir turdan ikkinchi turga aylanish jarayoni o‘rin tutgani uchun, ko‘pchilik hollarda, yuqori konsentratsiyaga ega bo‘lgan issiqlik energiyasi, yorug‘lik energiyasi hamda katta qiymatlarga ega bo‘lgan tok va kuchlanish ostida bo‘lgan uskunalarga ro‘baro‘ bo‘lish kutiladi. Bunday paytlarda yuz berishi mumkin bo‘lgan ko‘ngilsiz xodisalarning oldini olish uchun talabalarga har bir asbob, yoki qurilmadan ongli ravishda, nazariy bilimlarini qayta tekshirilgan holda, texnika xavfsizligi qoidalarini nazarda tutib ish olib borish joiz ekanligi uqtiriladi. Ozgina ehtiyotsizlik, shoshma-shosharlik, loqaydlik va o‘zboshimchalik bilan elektr sxemalarni, stendlarni ulab qo‘yish, elektr toki ostida qolish, nurlanish kabi baxtsiz hodisalarni keltirib chiqaradi. Talaba ishga tushishdan oldingina emas, balki shu xonaga qadam qo‘ygan chog‘idanoq boshlab, xavfsizlik qoidalarini yodida tutishi kerak. Laboratoriyada ishlatiluvchi, harorati 1600°S gacha boradigan elektr qarshilik sandonini maqsadsiz ulanib qolishi xavflidir. Ishchi toklari bir necha yuz amperni, qisqa tutashuv toklarining qiymati esa bir necha kiloamperni tashkil etuvchi elektr qurilmasining nazoratsiz qolishi, yoki bexos ulanib qolishi tuzatib bo‘lmaydigan ko‘ngilsiz hodisalarga olib keladi. SHuning uchun talabalar laboratoriyada o‘ta extiyotkor bo‘lib, quyidagi texnika xavfsizligi qoidalariga rioya qilishlari darkor:
1) laboratoriyalarda bo‘lgan paytlarida talabalar o‘ta ehtiyotkor, intizomli va hushyor bo‘lishlari kerak; o‘qituvchi va laborantlarning barcha ko‘rsatmalarini og‘ishmay bajarishlari kerak, faqat tekshirilayotgan laboratoriya dastgohi oldida bo‘lishlari kerak;
2) boshqa qurilmalar va jihozlarga, taqsimlovchi punktlarga, pultlarga yaqinlashish va ularni o‘chirib-yoqish ishlarini o‘zboshimchalik bilan qilish qat’iy taqiqlanadi; kuchlanish ostida bo‘lgan sxemani uning izolyasiya qilinmagan tok o‘tkazuvchi qismiga kimdir tegib turgan bo‘lsa ulash, sxema ulanishini almashtirish, elektr mashinalari ishlab turganda uni aylanuvchi qismlariga tegish, yoki ustiga yaqin masofada egilish, laboratoriya qurilmasini yoki uning kuchlanish ostida bo‘lgan ayrim asboblarini kuzatuvsiz koldirish mutlaqo mumkin emasdir;
3) siljigichlar, yoki ishga tushirish apparaturalarining dastagi jildirilganda, albatta, qo‘l izolyasiya qilingan dastagiga tegib turganligiga ishonch hosil qilish kerak;
4) talabalarning kiyimida bo‘yin va bosh ro‘mollari, galstuklari va boshqa narsalarning uchlari osilib turmasligi, sochning turmaklangani va bosh kiyimdan sochning osilib turmasligini ta’minlash joiz;
5) agar sxemada kondensator bo‘lsa, uni o‘chirgandan so‘ng chiqish simlarini qisqa tutashtirib, zaryadsizlantirib qo‘yish zarur;
6) laboratoriya qurilmasi bilan ishlaganda talabalar har bir laboratoriya qurilmasi yonida to‘shalgan rezina gilamchasi ustida turishi kerak;
7) qurilmaga taalluqli bo‘lgan har qanday nosozlik yoki texnika havfsizligi qoidalarining buzilishi to‘g‘risida har bir talaba tezda o‘qituvchiga xabar berishi kerak;
8) agar baxtsiz hodisa yuz bergan bo‘lsa, laboratoriya qurilmasini tezda o‘chirib, jabrlanuvchiga birinchi yordamni ko‘rsatish va o‘qituvchini xabardor qilish kerak.
Texnika havfsizligi bo‘yicha o‘tkazilgan mashg‘ulot maxsus jurnalda har bir talabaning imzosi bilan qayd etilishi lozim.