1- seminar tema: Metodologiya hám ilimiy pedagogikalıq izertlewlerdi shólkemlestiriw princip hám metodları Rejesi: Metod hám metodologiya túsinikleri

1- Seminar tema:

Metodologiya hám ilimiy pedagogikalıq izertlewlerdi shólkemlestiriw princip hám metodları

Rejesi:

1. Metod hám metodologiya túsinikleri.

2. Pedagogikanı izertlew metodologiyası.

3. Pedagogikalıq izertlewdiń ulıwma principlerı.

Metodologiya sózi «Metod» hám «logos» sózleriniń birikpesinen ibarat bolıp, iskerliktiń ulıwma strukturası, logikalıq shólkemlestiriliwi, metodlar hám quralları  haqqındaǵı tálimat bolıp tabıladı. Metodologiyanıń predmeti bolsa iskerlikti shólkemlestiriw sanaladı. Metodologiya hár qanday iskerlik penen baylanıslı eken, ol tómendegi strutkturaǵa iye boladı:

1. İskerliktiń xarakteristikisı:

·    ózgesheligi,

·    principleri,

·    shárt-sharayatlorı,

·   iskerliktiń normaları;

2. İskerliktiń dogikalıq strukturası:

·    subekt,

·    obekt,

·    predmet,

·    formaları,

·    quralları,

·    metodları,

·    iskerliktiń nátiyjesi;

3. İskerliktiń waqıt kolemindegi strukturası:

·    fazası,

·    stadiya (dárejeleri),

·    iskerliktiń basqıshları (etapları).

Metodologiya ilimi ótken ásirdiń 60-70-jıllarında ilim sıpatında qáliplesip basladı. Bul tarawdıń rawajlanıwında V.V.Kraevskiy, M.A.Danilov, V.İ.Zagvyazinskiy, V.İ.Sadovskiy, E.G.Yudin sıyaqlı ilimpazlardıń tutqan ornı gúrewli boldı. Olar ilimiy metodologiyanı tómendegi tórt túrge bólgen:

1. 
   Filosofiyalık metodologiya.
   
2. 
   Ulıwma ilimiy metodologiya.
   
3. 
   Anıq-ilimiy metodologiya.
   
4. 
   Texnologiyalıq metodologiya.
   

Metod – grek tilinen jol, izertlew, baqlaw mánislerin bildirip, belgili bir maqsetlerge erisiw ushın, barlıqtı teoriyalıq yamasa ámeliy jaqtan ózlestiriwge qaratılgan ámellerdiń jıynaǵı bolıp tabıladı. İlim-pánde bolsa metod sıpatında izertewshiniń óz gipotezalarına súyengen halda óz predmetlerin ashıwǵa qaratılǵan biliw jolı dep túsiniledi.