1- seminar мавзу: “футболни келиб чиқиш тарихи ва ривожланиши.”

Қанот ҳужумчилари.
Қанотдаги ҳаракатлар ё тўпни бошқараётган қанот ҳимоячиси ёки майдон ўртаси ўйинчиси билан ҳамкорлик қилиш учун орқага қайтиб ёки олға томон фаол илгарилаб (шеригининг ҳимоячилар ортидаги бўш жойга узоқдан тўп узатиб беришига шароит яратиш мақсадида «ўйиндан чиққан» ҳолат чегарасига яқин бориб) бажарилиши мумкин.
Майдоннинг эни бўйлаб ҳаракатланишлар тўпни бошқараётган майдон ўртаси билан ҳамкорлик қилиш учун орқага қайтиш ёки ҳужумнинг олдинги маррасига тез илгарилаб чиқиш билан уйғунлаштириб бажарилиши мумкин.
Қанот ҳужумчиси тўп олганидан кейин ўзини якка ёки шериги билан биргаликда қўриқлаётган ўйинчидан ўтиб кетишга, қарийб рақиб дарвозаси чизиғигача етиб бориш ва тўпни жарима майдонидаги шерикларига ғизиллатиб ёки узатиб беришга ҳаракат қилади. Шерикларидан биронтаси тўп олиш учун очиқ турган бўлса ёки ҳужумчилар ҳимоячиларга қарши ҳавода муваффақият билан кураша-ётган бўлса, бундай ҳолларда тўпни юқорилатиб узатиш самаралидир. Ғизиллатиб узатишлар эса ҳамма ҳолларда ҳам мақсадга мувофиқдир. Бунда ғизиллаб келаётган тўпга ҳужумчилардан биронтаси чиқиб келиши мумкин бўлгани учунгина эмас, балки вақт ниҳоятда зиқ шароитда қолга-нидан, бунинг устига гоҳо ўз вазифасини кўнгилдагидай бажаролмай коладиган ҳимоячиларнинг оёғидан «рикошет» бўлиши мумкинлигидан ҳам мудофаадагиларнинг ҳаракати мураккаблашиб кетади. Бундай ҳолда қарши томон қанот ҳужумчиси дарвозанинг узоқдаги устуни яқинигача етиб боради.
Қанот ҳужумчиси рақиб ҳимоячилари орасини макси-мал даражада узайтириб кетиш учун ён чизиғига яқин жойда ўйнайди. Марказий ҳужумчи ён чизиқ яқинига ўтиб, майдон маркази бўшаб қолган ҳолларда эса қанот ҳужумчиси бўшаб қолган зонага катта тезликда ёриб киради.
Айрим ўйин эпизодларида қанот ҳужумчилари ўрин алмашадилар. Майдоннинг эни бўйлаб бундай маневр қилиш мудофаа уюштиришни қийинлаштиради ва қанот ҳимоячиларининг бирор ҳужумчи ҳаракат хусусиятларига мослашиб олишига ҳалақит беради. Гоҳ у, гоҳ бу қанотда узоқ вақт қолиб кетиш ҳам муваффақият қозонишга ёрдам берса-да, лекин ҳужумнинг ривожланиши мобайнида ўрин алмашиш айниқса самарали чиқади.
Қанот ҳужумчиси доимо тезкор маневр қилишга тайёр туриши ва шунинг билан бирга яккама-якка курашнинг ҳамда зарба беришнинг хилма-хил усулларини аъло даражада билиши керак.