1- seminar мавзу: “футболни келиб чиқиш тарихи ва ривожланиши.”

ҲИМОЯ ТАКТИКАСИ

Ҳимоя тактикаси тўпни бошқармаётган команданинг ҳаракатларини рақиблар ҳужумини бир ёқлик қиладиган – нейтраллайдиган қилиб уюштиришни назарда тутади.

Ҳимояда ўйнашнинг умумкоманда услуби шахсий, зона ва аралаш бўлиши мумкин. Бироқ қисман бўлса ҳам бошқа услуб элементларидан фойдаланмасдан биргина услубда ўйнайвериш хато. Чунки бу ҳол ҳимоя тактикасини оддий-лаштириб қўяди. Ҳимояда ўйнаш услубларини ҳимоячи-ларнинг индивидуал хислатлари ва имкониятларини ҳисобга олиб танлаш керак.
Ҳимояда ўйнашнинг тактик санъати рақибни қачон ўз ҳолига қўймасдан таъқиб этишни, қачон шериклардан бирига бериб юбориш ва қачон зонада ўйнашни билишдан иборат.
Мудофаа қилаётган команда ҳаракатларининг ҳаммаси ҳужум қилаётганлар ҳаракатига жавоб тариқасида бўлиб, рақиблар тактикасининг хусусиятларига қараб уюштири-лади. Мудофаанинг яхши уюштирилганлиги командага ҳужум ҳаракатларини ҳам муваффақиятли бажариш имко-нини беради.
Ҳимояда ўйнаш хилма-хил ва кўп планли бўлиб, дарвозани мудофаа қилишга, тўпни қўлга киритиш учун фаол курашиш ва ҳужум уюштиришга қаратилган бўлади. Ҳимоядаги ўйин ҳам ҳужумдаги сингари индивидуал, гуруҳ ва команда ҳаракатларидан иборат.


Индивидуал тактика.
Мудофаадаги муваффақият бир гуруҳ ўйинчиларнинг тўғри страховка қилишларига, ўзаро алмашувчанлиги ва уларнинг бир-бирига мос ҳаракатларигагина эмас, балки ҳимоячиларнинг тўпи бор ва тўп йўқ ўйинчига қарши индивидуал ҳаракат қилиш маҳоратига, яъни ҳимоячининг муайян вазиятда ўз «ҳомий» лигидаги ўйинчига нисбатан қанчалик тўғри жой танлашига ҳам боғлиқ. Оқилона позиция танлаш мудофаада муваффақиятли ҳаракат қилиш-нинг асоси ҳисобланади.


Гуруҳ тактикаси.
Бутун футбол ўйини бошдан-оёқ комбинациялар асосига қурилган бўлиб, ўйиннинг мазмуни ҳам аслида шу комбинациялардан иборат. Ўйин вақтида қайта такрорланмайдиган ҳолатлар кўп учрайди. Ҳар бир шундай ҳолатнинг ўз асоси бор. Бундай асосларни ҳар қандай ўйинчи, энг аввало, ҳимоячилар билиши ва тушуниши лозим. Шунда тактик планда ҳужумчиларга қарши ҳаракат қилиш ва зарур усулларни қўллаш осон бўлади.