1-§. «Мутахассислик фанларини ўқитиш методикаси» фани ва унинг предмети, мақсади, вазифаси ва мазмуни Мақсади: «Мутахассислик фанларини ўқитиш методикаси»

Ўқувчиларнинг шахсий, ўзига хос (индивидуал) имкониятларини ҳисобга олиш тамойили. Ҳар бир ўқувчи ўзининг шахсий (жисмоний, руҳий ва б.) хусусиятларига эгаки, улар унинг ўқув фаолиятига катта таъсир этади. Педагогнинг бу хусусиятларни ўрганиш ва ҳисобга олиши ўқитиш сифатини ошириш ва ҳар бир ўқувчининг ижобий қобилиятларини ривожлантириш учун шароит яратади.
Ўқувчининг кучли ва ожиз тамонини билиб олишга, унинг қизиқишлари, тафаккури, нутқи, хотираси, диққати, ҳаёлига хос бўлган хусусиятларни ўрганишга, унинг феъл-атвори ва иродасини яхши билиб олишга ҳаракат қилади, ўқувчиларнинг ҳаётий ва меҳнат тажрибаларини, уларнинг фаолияти хусусиятларини ўрганади.
Билим, кўникма ва малакаларни ўзлаштиришнинг пухталиги тамойили. Эгалланган билим, кўникма ва малакаларнинг келгусида илмий билимлар тизимини ўзлаштириб олишда асос бўлиб хизмат қилиши учун улар пухта ўзлаштирилган, яхши мустаҳкамланган бўлиши ва ўқувчиларнинг хотирасида узоқ вақт сақланиши керак. Пухталик тамойилининг талаблари шулардан иборат бўлиб, буларга риоя қилмаслик ўқувчиларнинг ўзлаштирмаслигига, ўқишда орқада қолишга сабаб бўлади. Ўқитиш тамойиллари билан бир қаторда ўқитишнинг асосий қоидалари ҳам бўлиб, уларга қуйидагилар киради: тушунарлидан-тушунарсизга; яқиндан-узоққа; осондан-қийинга; аниқдан-мавҳумга; умумийдан-хусусийга.
Масалан, информатика ўқитишда ўқув-билиш фаолиятни ташкил этиш ва амалга ошириш маълум услублари, яъни ўқитишнинг умумдидактик услублари (М.Н. Скаткин ва И.Я.Лернер бўйича): ахборот-рециптив, репродуктив, муаммоли баён этиш, эвристик, тадқиқий ва ш.к. услублари фойдаланилади.
1. Ахборот – рецептив метод. Бу услубдан бошлаб дарсда билиш жараёни бошланади. Таълим берувчи ахборотни беради, таълим олувчилар уни қабул қиладилар, эслаб қоладилар, фикр юритадилар. Ахборотни бошланғич манбаи китоб, ўқув қўлланма, кўргазмали қурол ва воситалар хизмат қилиши мумкин.
2. Репродуктив услуб – таълим берувчи саволи ёки топшириғи асосида ўрганилаётган материални таълим олувчилар қайта ишлайдилар. Улар таълим берувчи баёнига ёки китоб, ўқув қўлланма ёрдамига таянадилар.