|
1-surat. Thomsonfly oddiy lekin samaradorlik muvozanatiga erishgan.
2-surat. Lastminute.com reklama bannerida yumor va ranglar jilosidan foydalangan
Solishtirish uchun, Lastminute.com kompaniyaning o’ziga xos ranglari (yorqin pushtirang) bilan yo’l ko’rsatkich belgilaridan hajviy ma’noda foydalanib, ko’p joylarga sayohat qilishda qisqa tanaffuslar bo’lishini reklama qilgan. O'quvchilarga "Dam olish kunlari siz talaffuz qila olmaydigan joylarga boramiz" deya Lastminute . com, ularda ekzotika hissini uyg'otmoqda, hamda lastminute iste'molchilarning sarguzashtlarga qiziqishidan foydalanib, raqobatchilardan farqli o'laroq, noodatiy uzoq joylarga qisqa muddatda borib kelishni taklif qilmoqda.
Xabar tuzilmasi
Xabar tuzilmasi xabar mundarijasiga bog’lanadi. Bunda asosiysi qabul qiluvchini biron harakatni amalga oshirish bo’yicha xulosalar chiqarishi uchun uning bilim va tushunchasini yetarli darajaga ko’tarishdir. E’tibor talab qilinayotgan harakatga qaratilishi kerak. Yuqoridagi ikkita misolda, asosiy e’tibor raqobatbardosh narxlarga qaratilgan bo’lib, mahsulot va xizmatlardan foydalanish veb-sayt orqali ta’minlangan bo’lishiga qaramasdan reklama iste’molchini aniq bir harakatga ochiq tarzda undamaydi. Buni o’rniga ikkala tashkilot ham Pizaga sayohat yoki Misrda besh-yulduzli mehmonxonada dam olish bo’yicha qaror chiqarishni iste’molchilarning o’ziga qoldiryapti.
Bu misollar sayohat/tur bo’yicha qaror qabul qilish jarayoni qiyin va yuqori darajali e’tiborni talab qilishmaydi. Xabarlar tashkilot, brend yoki hodisalarni tushunish, tashkilot va uning vakillarini auditoriyada o’z o’rnini topishi uchun ham maxsus tuzilishga ega bo’lishi mumkin.
Xabar-murojaat
Xabar-murojaat masalasi bobning yuqorida boshqa qismlarida muhokama qilingan edi. To’g’ri murojaatning ahamiyatli bo’lishi qaysi ehtiyojlarning mustahkamlanilishiga bog’liq. Yaxshi xabar nima qilayotganini son va sifat jihatdan baholash mushkul. Asosiy masala quyidagilardan iborat: mahsulot yoki xizmat to’g’risida funksional ma’lumotga ehtiyoj bor yo’qligi yoki emotsional ehtiyojlarga murojaat qilish qilmaslik yoki potensial iste’molchilarning holati. Eng muhimi matnli, haqiqiy axborot darajasi va vizual obrazlar to’plami o’rtasidagi tanlov hisoblanadi. Tanlashning ahamiyati katta, chunki ba’zi holatlarda faqat sarlavhani matnli qoldirib, qolgan ma’lumotni rasmlar orqali yetkazish maqsadga muvofiq. Bunday holatda sarlavha tashkilot/manzil yoki brend nomini o’z ichiga olishi kerak. Yaxshi sarlavha orqali tashkilot/brend nomini iste’molchi foydasi bilan bog’lash mumkin. Agar tashkilot sarlavhadan kelib chiqadigan “asosiy matn”ga ehtiyoj sezsa, bu aniq bir maqsadli auditoriyaga qaratilgan bo’lishi kerak. Ayrim hollarda to’liq izohlangan axborotga ehtiyoj seziladi, yuqorida ta’kidlanganidek, favqulodda savdo yoki kuchliroq jalb etish masalalarini yechishda ishlatiladi. Nihoyat, xabarda kompaniya bilan aloqaga kirishish uchun ma’lumotlar va “harakatga undash” bo’lishi kerak. Bu auditoriyaga kompaniya bilan muloqotda bo’lish va tegishli tarzda javob berish imkonini beradi.
Bundan tashqari, turizm va mehmonxona xizmatlarini reklama qilish uchun jinsiy obrazlar(2-bobda Klub 18-30 misolida)dan foydalanib ehtirosli murojaatlarni alohida aytib o’tish kerak. Turistik kurortlarda yarim yalang’och kishilarning plyajda, spa-salonida, saunada yoki tungi klubda hordiq chiqarayotganini ko’rish keng tarqalgan. Ammo kiyimsiz badanlar toza-ozodalikni, ochiqlikni, tabiatni hamda potensial juftini topish imkoni borligini yetkazib berish uchun ishlatilishi mumkin. Izlanishlar shuni ko’rsatdiki, reklama roliklarida chiroyli modellarning jozibadorligi iste’molchilar bahosiga ta’sir ko’rsatadi (Beyker va Cherchil, 1977).
Musiqa (ayniqsa mahalliy musiqa) va madaniyat, shuningdek til, sarguzashtga bo’lgan ehtirosni yetkazib berishi va sayyohlik manziliga nisbatan emotsiyalarni uyg’otishi mumkin.Fil (2005) murojaatni shakllanishigaga asos sifatida asosli reklama, ishonarli reklama, taqdimotli reklama va solishtirma reklamalarni farqlaydi. Fil bu farqlarni asosan ishlab chiqarilgan mahsulot/xizmat nuqtai nazaridan kelib chiqib sharhlaydi. Bizning nuqtai nazarimiz bo’yicha, biroq, so’nggisidan hozirgi hissiy holat va joy yoki mehmonxonada bo’lganda yuzaga kelishi kutiladigan hissiy holat o’rtasida aloqadorlikni yaratishda samarali foydalanilgan. Charchoq chiqarish va yaxshi hordiq olishni ifodalaydigan spa-mehmonxonalar reklamada ko’pincha kundalik ish jarayonidan qattiq charchagan rahbar (odatda ayollar) kishilarning spa-markazlarida shifobaxsh muolajalar olib dam olayotgan holda tasvirlashadi.
Do'stlaringiz bilan baham: |
