1- mavzu: Iqtisodiy geografiya fanining

Qishloq xo„jaligi. 
Yaponiyaning tabiiy sharoiti qishloq xo„jaligini 
rivojlantirish  uchun  umuman  qulay.  O„rtacha  balandlikdagi  tog„larning  
yon  bag„irlari    yaxshi  rivojlangan  podzol  tuproqlar  va  o„rmon  qo„ng„ir 
tuproqlari  bilan  qoplangan.  Yetarli  darajada  o„g„itlansa,  bu  tuproqlar 
yuqori  hosil  beradi.  Qishloq  xo„jaligining  ihtisoslashuvi  jihatdan 
Yaponiya boshqa rivojlangan mamlakatlardan ancha farq qiladi. Qishloq 
xo„jaligi  yuqori rentabilligi va  mehnat unumdorligi  bilan ajralib  turadi. 
Ishlov  beriladigan  yerlar  umumiy    maydonining  11  foizini  tashkil 
qilganligi uchun Yaponiyada qadimdan ekin maydonlaridan tejamkorlik 
bilan foydalanishga o„rganishgan. Yaponiya qishloq xo„jaligining asosiy 
tarmog„i dehqonchilikdir. Don xo„jaligida sholi asosiy ekin hisoblanadi. 
Sholi ekin maydonlarining yarmiga yaqinda ekiladi va yiliga 10-12 mln. 
tonna sholi yetishtiriladi. 
Sholi  hamma  yerda  asosan  sug„oriladigan  yerlarda,  biroq  tovar 
mahsulotining  katta  qismi  Xonsyu  orolining  markaziy  hamda  janubiy 
rayonlarda  yetishtiriladi.  Xonsyuning  shimolida  va  Xokkaydoda 
bug„doy,  javdar  va  arpa  ekiladi,  biroq  yetishtirilayotgan  don  mamlakat 
ehtiyojini  qondira  olmaydi.  Shaharlar  atrofida  sabzavot  va  mevalar 
yetishtiriladi.  Texnika  ekinlari-qand  lavlagi,  soya,  tamaki,  choy  ham 
katta ahamiyatga ega. 
Yaponlar  azaldan  gulchilik  bilan  shug„ullanib  keladilar.  Ko„p 
gullarning  yapon  diniy  (sintoizm)  marosimlarida  ahamiyati  katta. 
Yaponlarda  guldasta  yasash,  gullarni  va  daraxt  novdalarini  vazalarga 
chiroyli (ikebana) qilib solib qo„yish an‟anaviy san‟at hisoblanadi. 
Baliq-ovlash 
–  Yaponiya  xo„jaligining  muhim  tarmog„i 
hisoblanadi. Baliq sohil bo„yidagi suvlarda ham, uzoq dengizlarda ham 
tutiladi.  Qirg„oq  yaqinida  baliq  ovlash  bilan  sohildagi  qishloq  aholisi, 
uzoq dengizlarda esa, texnika jihatidan mukammal baliq ovlaydigan floti 
bo„lgan  yirik  monopoliyalar  shug„ullanadi.  Baliq  ovlash  jihatidan 
Yaponiya  dunyoda  birinchi  o„rinda  turadi.  Yaponlar  ovqatida  baliq, 
boshqa dengiz hayvonlari mahsulotlari katta o„rin tutadi.