1- ma'ruza. Odam va hayvonlar fiziologiyasi faniga kirish

Vesseral, og’riq, harorat, taktil, hidlov va ta'm bilish analizatorlari. Visseral interotseptiv ichki analizator.
Ichki organlar faoliyatini MNS tomonidan har tomonlama idora qilinishi teskari aloqaga bog’liq.
Visseral analizator retseptorlari: ximiyaviy, osmotik, mexanik, temperatura va og’riqni sezadigan bo’ladi. Retseptorlardan ta'sirot MNS ga turli neyronlar orqali boradi, uchinchi neyron oraliq miyadagi talamusda joylashgan. Oxirgi neyron po’stloqda keng tarqalgandir. Ichki organlardan borgan impulslarga ko’ra ularni idora qilishdagi nerv va neyrogumoral holatlar ma'lum darajada o’zgartiriladi (moslashtiriladi).
Visseral analizatorning eng asosiy xususiyati shuki, uning signal berishi sezilmaydi (og’riq paydo bo’lgan joyni aniqlash qiyin, chunki retseptor soni kam). Og’riqni sezadigan analizator retseptori erkin nerv uchlari ko’rinishida teri yuzasida va uning chuqurroq qismida ham joylashgan. Uning birinchi neyroni umumrtqalararo spinal gangliyalarda, ikkinchisi orqa miyada, uchinchi talamusda joylashgan. Miya po’stlog’idagi sathi ham yaxshi aniqanmagan. Ahamiyati - organizmni har xil zararli ta'sirotlardan saqlash. Sistemali ravishda qitiqlanish natijasida sezgirlik pasayadi (boksyorlarda).