1 – маъруза энергетика энергия тежамкорлиги ва энергетика ресурслари

Манба	Қувват, Вт/м2
Илова
Қуёш	100-250
Шамол	1500-5000	8-12 м/с тезликда лекин кўпроқ бўлиши мумкин
Геотермал иссиқлик	0.06
Океаннинг шамол тўлқинлари	3000 Вт/пог.м	1000 Вт/пог.м га етиши мумкин
Таққослаш учун ички ёнув двигатели Турбореактив двигатель Ядро реактори	100 кВт/л атрофида 1 МВт/л гача 1 МВт/л гача

Шамол энергетикаси – бу шамолдан механик энергияни олиб, кейинчалик уни электр энергияга айлантиришдир. Вертикал ва горизонтал айланувчи ўқли шамол двигателлари мавжуд. Шамол энергиясини шамолнинг тезлиги 5 ва ундан ортиқ м/сек бўлганда муваффақиятли ишлатиш мумкин. Камчилиги катта шовқиндир.
Дунёда шамол энергиясининг потенциали улкандир. Назарий жиҳатдан бу энергия Европанинг барча талабини қондириши мумкин. Кичик тезликларда ишлайдиган шамол генераторларини қуришдаги охирги мухандислик муваффақиятлари шамолдан фойдаланишни иқтисодий ўз-ўзини оқлашини кўрсатмоқда. Лекин ШЭС қурилишига бўлган чекланишлар, айниқса, аҳоли зич жойлашган туманларда, бу энергия манбаининг потенциалини пасайтиради.
Шамол энергиясининг нархи йилига 15% га пасаймоқда ва ҳатто бугун бозорда рақобатбардошдир, асосан- АЭСларда олинадиган (йилига 5%га ошиб бормоқда) энергия нархидан фарқли ўлароқ келажакда пасайиш имкониятига эга; бунда шамол энергиясини ортиш жадаллиги йилига 25% дан ортиқ. Турли давлатларда шамол энергиясидан фойдаланиш кучаймоқда.
Ривожланган давлатларда шамол энергиясини ўзлаштириш шуни кўрсатаяптики, қуввати 100 кВтдан ортиқ, айниқса 200-500 кВт оралиғидаги шамол қурилмалари энг оптимал ҳисобланади. Бунда масалан, Данияда шамол электр станциясида ишлаб чиқарилган 1 кВт∙с электр энергия, иссиқлик электр станциядагидан арзонроқдир.