0‘zbekist0n respublikasi oliy va 0‘rta maxsuis ta’lim vazirligi g‘. Hojiahmedov, I. Yaxyayeva, M. Umarova, A. Usmonov sifat menejmenti

Takomillashtirishning bosqichlari. Ishni yaxshilash jarayonida bilimlar egallashning uch bosqichi ko‘p hollarda «takomillashuv narvonlari» ga qiyoslanadi.

Birinchi bosqich rahbariyatning takomillashuvning zaruriyatini anglashi, uning yangi talablarini, kim va nima uchun javobgarlikka egaligi va jarayonning nimani o‘z ichiga olishini tushunishdan iborat. Birinchi darajaga erishgan rahbarlar sifatni oshirishning zaruratini anglaydilar, biroq vakolatni tezroq boshqa kimgadir, masalan, sifat xizmatiga topshirishga harakat qiladilar.

Ikkinchi bosqich — rahbariyatning jarayonni qo'llab-quvvatlashga tayyorligi. Bu rahbarlarning ish natijalarini yaxshilashning zarurligiga ishonishini va ba’zi resurslarni ishga kiritishga tayyorligini anglatadi.

Lekin rahbarlar faoliyatni yaxshilash jarayonining maqsadlarini shunchaki «anglash» yoki hattoki boshqalarga tushuntirishni uddalolmaydilar. Uchinchi bosqich rahbarlarning bu jarayonda faol ishtirok etishini nazarda tutadi.