020 йил апрель ҳолатига, Ўзбекистон Республикаси Ҳукумати номидан ва давлат кафолати остида жалб қилинган қарз қолдиғи дастлабки ҳисоб-китобларга кўра 18,2 млрд. АҚШ доллари

“Ўзбекистон Республикасининг давлат қарзини бошқариш стратегияси” ишлаб чиқилди. Мазкур стратегия ҳар йили республиканинг макроиқтисодий ривожланиши ҳамда давлат бюджети параметрларидан келиб чиқиб қайта кўрилиши назарда тутилган.
Стратегия доирасида давлат қарзининг диверсификациялаш мақсадида давлат бюджети дефицитини, аввало, давлат қимматли қоғозларини ички бозорда жойлаштириш орқали қоплашга ҳаракат қилинмоқда.
Хусусан, ички бозорда жойлаштирилган давлат қимматли қоғозлари 2018 йилдаги қарийб 600 млрд. сўмдан 2019 йилда 1,6 трлн. сўмгача ошди. 2020 йил бошидан эса 700 млрд. сўмга тенг давлат қимматли қоғозлари чиқарилди.
Давлат бюджетини дефицитини имкон қадар ички қарз ҳисобидан қоплаш мақсадида Молия вазирлиги АҚШ Ғазначилиги ва Осиё тараққиёт банкининг мутахассислари билан биргаликда мамлакатимизда ички капитал бозорни ривожлантириш устида иш олиб борилмоқда.
Халқаро валюта жамғармасининг фискал қоидаларни тадбиқ этиш йўриқномаси асосида Ўзбекистон Республикаси давлат қарзининг узоқ муддат учун ҳамда йиллик максимал меъёрини ўрнатиш бўйича таҳлил амалга оширилди.
Кўп сценарийли прогноздан келиб чиқиб амалга оширилган ҳисобкитобларга кўра, Ўзбекистон Республикаси давлат қарзининг макроиқтисодий барқарорлик учун хавфсиз даражаси ЯИМга нисбатан 50 фоизни ташкил этмоқда.
Давлат қарзининг хавфсиз даражасидан келиб чиқиб Ўзбекистон Республикаси Ҳукумати номидан ва унинг кафолати остида имзоланадиган ташқи қарз битимларининг йиллик энг юқори миқдори (4 млрд. долл.) аниқланди ва 2020 йил учун Ўзбекистон Республикасининг “Давлат бюджети тўғрисида”ги Қонуни билан тасдиқланди.
Давлат қарзини жалб қилиш ва ишлатилиши бўйича шаффофликни таъминлаш чоралари кўрилмоқда. Хусусан, давлат қарзи ҳисобидан молиялаштирилган ва якунланган барча лойиҳалар мажбурий тартибда Ҳисоб палатаси томонидан аудитдан ўтказилади, ОАВ ва Қонунчилик палатаси депутатлари иштирокида муҳокама қилиниши белгиланган.
АҚШ Ғазначилиги билан ҳамкорликда Ўзбекистон Республикасининг