020 йил апрель ҳолатига, Ўзбекистон Республикаси Ҳукумати номидан ва давлат кафолати остида жалб қилинган қарз қолдиғи дастлабки ҳисоб-китобларга кўра 18,2 млрд. АҚШ доллари

“Давлат қарзи тўғрисида”ги Қонуни лойиҳаси ишлаб чиқилмоқда.
Давлат қарзи статистикаси шаффофлигини таъминлаш мақсадида давлат қарзи ҳолати ва уни шакллантирувчи омиллар, давлат қарзи ҳисобидан молиялаштирилаётган лойиҳалар ҳамда давлат қарзини бошқариш тизими самарадорлигини ошириш борасида амалга оширилаётган чоралар тўғрисидаги маълумотни қамраб олувчи Ўзбекистон Республикасининг Давлат қарзи ҳолати ва динамикаси шарҳи, ойлик ахборотнома ва ҳисоботлар расмий веб-саҳифаларда ҳамда “Кенгайтирилган маълумотларни тарқатишнинг умумий тизими”да мунтазам равишда эълон қилиб борилмоқда.
UNCTAD (Бирлашган миллатлар ташкилотининг савдо ва ривожлантириш бўйича конференцияси) ва Осиё Тараққиёт Банки кўмаги билан Ўзбекистон Республикаси Давлат қарзи мониторингини юритиш, унга хизмат кўрсатиш, ҳисоб ва ҳисоботларни автоматлаштириш мақсадида вазирлик томонидан давлат қарзини бошқариш ва молиявий таҳлил тизими (DMFAS-6 дастурий мажмуаси) жорий қилинди.
Шу билан бирга, давлат қарзини самарали бошқариш мақсадида инвестицион лойиҳаларни молиялаштиришга давлат корхоналарининг мустақил равишда инвестициялар жалб қилиш салоҳиятини ошириш муҳим аҳамият касб этади.
Айнан мана шу вазифани амалга ошириш учун 2018 йилда суверен халқаро кредит рейтинг олинди ҳамда илк маротаба суверен халқаро облигациялар чиқарилиб бэнчмарк яратилди.
Бунинг натижасида, мамлакатимиз давлат корхоналари ва банклари мустақил равишда халқаро молия бозорларига чиқиш учун пойдевор ясалди. 2019 йилнинг ноябрь ойида Ўзбекистон саноат-қурилиш банки илк маротаба ўз халқаро облигацияларини халқаро молия бозорларида мувафаққиятли жойлаштирди.
Хусусан, бугунги кунда иккиламчи бозорда Ўзбекистон Республикасининг 5 ва 10 йиллик суверен халқаро облигацияларининг нархлари мос равишда ўз номинал қийматига нисбатан 106-107% ва 110-111% даражасида сақланиб қолмоқда.
Шу билан бирга, йирик инвестицион лойиҳаларни давлат-хусусий шерикчилик асосида молиялаштириш ҳам алоҳида аҳамият касб этади.

Ўзбекистон Республикасининг рейтинг тенгдошларининг (peers) 2019 йил якуни ҳолатига асосий кўрстакичларини ва 2020 йилда "S&P Global Ratings" агентлиги томонидан рейтинг (прогноз) баҳолари пасайтирилган мамлакатлар рўйхати