Ў збекистон республикаси соғЛИҚни сақлаш вазирлиги тошкент фармацевтика институти

I.ISHCHI DASTUR

AMALIY MASHG’ULOTLAR MAZMUNI
Kirish

Ma’lumki, mikrobiologik tekshirish natijalariga asoslangan xolda yukumli kasalliklarga aniq tashhis ko’yish mumkin. Bunda shu kasalliklarga sabab bo’lgan mikrob sof holda ajratib olinib, uning hamma xususiyatlari o’rganib chiqiladi. Shuning uchun tibbiyot institutlarining barcha fakultetlari talabalariga yuqumli kasalliklarning ko’zg’atuvchilariga batafsil tavsif berildi hamda ular qo’zgatadigan kasalliklarning mikrobiologik diagnostikasi keng yoritildi.

O’kuv-uslubiy majmuada bakteriyalar, viruslar, rikkketsiyalar, spiroxetalar, xlamidiyalar, mikoplazmalar, zamburug’lar, sodda jonivorlar va boshqa mikroorganizmlar qo’zg’atadigan kasalliklar, ularni bakteriologik, virusologik va immunologik tekshirish usullari bayon etildi.
So’ngti yillarda ko’payib borayotgan hamda tashhis ko’yishda muammoli hisoblangan hujayra ichi bakteriyalari (xlamidiya, rikketsiyalar) va mikoplazma infeksiyalarining morfobiologik xossalari va laboratoriya diagnostikasi batafsil berildi.
O’kuv-uslubiy majmuada xususiy qismida esa bakteriyalar, zamburug’lar, viruslar, spiroxetalar va patogen eng sodda bir hujayrali jonivorlar morfologiyasi, antigenlik xususiyatlari hamda ular paydo qiladigan kasalliklarning laboratoriya tashhisi, profilaktikasi va davolash usullari bayon etildi.
O’kuv-uslubiy majmuada klinik mikrobiologiya asoslari mavzusi birinchi bor yoritilib, unda xavfli jarohatlar va kuyish, turli a’zo va to’qimalar zararlanishining etiologik omillari, bronx-o’pka, ichakning shartli-patogen infeksiyalari hamda urologik kasalliklar, disbakterioz va kasalxona ichi (yatrogen) infeksiyalari to’g’risida to’liq ma’lumotlar berildi
Mikrobiologiya fani tibbiyot fanlari uzluksiz rivojlanayotgan hozirgi davrida molekulyar biologiya, genetika, gen injeneriyasi va immunologiya, biotexnologiya asoslari bilan boyib bormoqda. Mikrobiologiya va immunologiya fani yuqumli kasalliklarning etiologiyasi, patogenezi, diagnostikaning samaradorligini oshishi, davolash va oldini olishdagi chora - tadbirlarni o‘rgatishi, provizorlarni tayyorlashda muhim axamiyatga ega. Bu maqsadga erishish va o‘quv jarayonini tuzishda ishchi dastur katta rol o‘ynaydi.