Ў збекистон республикаси олий ва ўрта махсус таълим вазирлиги ўзбекистон миллий университети

Пул шаклидаги даромадларни иш ҳақи кўринишидаги барча тушумлар, пенсиялар, стипендиялар, турли нафақалар; мулкдан олинадиган фоиз, акциялар, қимматбаҳо қоғозлар, кўчмас мулк, дивидендлар, рента кўринишидаги даромадлар; чорва ҳайвонлари, томорқа хўжалиги маҳсулотлари, турли буюмлар ва бошқа товарларни сотишдан тушадиган тушумлар, турли хизматлар кўрсатишдан олинган ҳақлар ва ҳоказолар ташкил топади.
Реал даромад — бу қўлга теккан пулнинг харид қобилияти, яъни унга бозорда нима беришидир.
Регрессив солиқ ставкасида даромад ёки объект ошиб бориши билан солиқ ставкаси камайиб бориб, маҳсулот ишлаб чиқариш рағбатлантирилади.
Солиқ имтиёзлари солиқ тўловчиларга солиқлар бўйича бериладиган турли хил енгилликлар бўлиб, улар вақтинчалик, доимий, тўлиқ ёки қисман ва бошқа кўринишларда берилиши мумкин.
Солиқ концепцияси – бу солиқларни ташкил қилишнинг асосий йўналишларини белгилаб олишдир.
Солиқ манбаи – бу субъектнинг даромадидир. Баъзи солиқларда даромад ва фойда ҳам солиқ объекти, ҳам солиқ манбаи бўлади. Лекин бошқа солиқларда объектлар ҳар хил, манба эса – даромад бўлади.
Солиқ солинадиган база – солиқ солиш объектининг солиқ ставкаси қўлланиладиган миқдори.
Солиқ солиш объекти – солиқ солинадиган даромад, оборот ёки мулкдир. Унинг фойда, иш ҳақи, ер, иморат, жами харажат каби турлари мавжуд.
Солиқ ставкаси – объектнинг ҳар бирлиги учун давлат томонидан белгилаб қўйилган меъёрдир, яъни давлатнинг солиқ объектидаги улуши, ҳиссасидир.
Солиқ стратегияси – бу давлатнинг узоқ йилларга мўлжалланган солиқ соҳасидаги йўналишлар йиғиндисидир.
Солиқ субъекти – солиқ муносабатларида қатнашувчи солиқ тўловчилардир. Улар ҳуқуқий ва жисмоний шахсларга бўлинади.
Солиқ тактикаси – бу давлатнинг солиқ стратегиясини маълум қисқа муддатларда ҳаётга тадбиқ қилиш чора–тадбирларидир.