Ў збекистон республикаси олий ва ўрта махсус таълим вазирлиги ўзбекистон миллий университети

Уй хўжалиги – биргаликда яшайдиган, умумий бюджетга эга бўлган, битта ёки бир нечта шахслар томонидан юритиладиган хўжалик.
Уй хўжалиги бюджети – бу уй хўжалиги пул маблағлари фондини шакллантириш ва фойдаланиш шаклидир. У ўзида уй хўжалиги аъзоларининг умумий даромадларини ва шахсий эҳтиёжларини таъминлайдиган харажатларни бирлаштиради.
Уй хўжалиги молияси – бу уй хўжалиги аъзоларининг моддий ва ижтимоий ҳаёт шароитларини таъминлаш мақсадида пул маблағлари фондини шакллантириш ва фойдаланиш бўйича вужудга келадиган иқтисодий пул муносабатларининг иифодасидир.
Уй хўжалигининг молиявий ресурслари бу оиланинг ихтиёрида бўлган пул маблағларининг умумий фонди.
Уй хўжаликлари даромадлари — бу оила аъзолари томонидан маълум давр ичида олинган ёки ишлаб чиқарилган пул ва натурал шаклидаги даромадлар йиғиндиси.
Ҳалқаро молия - ҳалқаро молиявий ресурслар ва уларнинг глобал харакатини тавсифловчи тушунчадир. Ҳалқаро молия доимий ўзгариб турувчи ҳалқаро пул тизимининг ҳолати ва ривожланишини, алоҳида мамлакатлар тўлов балансининг ҳолати ва ўзгаришини, ҳалқаро молиявий бозорлар, ҳалқаро молиявий корпорациялар, ҳалқаро банк ва инвестицион фаолиятни ўзида акс эттиради.
Шахсий суғуртада суғурта объекти бўлиб инсоннинг ҳаёти, соғлиғи ва меҳнат қилиш қобилияти ҳисобланади. Шахсий суғурта 1) ҳаёт суғуртасига, 2) бахтсиз ходисалар суғуртасига, 3) тиббий суғуртага бўлинади.
Шомаж – кўрилиши мумкин бўлган зарарларни кўзда тутиб тахминан суғурталаш усули.
Эгри солиқлар – бу ортилган (сотилган) маҳсулот (иш, хизмат) оборотидан олинадиган солиқлардир. Бу солиқларни истеъмолчилар солиқлари ёки устама солиқлар деса бўлади. Чунки улар маҳсулот боҳоси, хизмат тарифи устига қўйиладиган солиқлардир. Бу солиқларнинг ҳуқуқий тўловчилари маҳсулот ишлаб чиқарган, олиб келтирган, иш ва хизмат кўрсатган юридик шахслардир. Лекин уларнинг ҳақиқий тўловчиси маҳсулот (иш ва хизматларни) истеъмол қилувчилар, сотиб олувчилардир