Ў збекистон республикаси олий ва ўрта махсус таълим вазирлиги ўзбекистон миллий университети

Солиқ тамойиллари – бу солиқлар бўйича қатъий бажарилиши лозим бўлган тартиб ёки иқтисодий моҳиятидан келиб чиқиб солиқларнинг қонинидир.
Солиқ тизими – бир хил моҳиятга эга бўлган ва марказлашган пул фондини ташкил этадиган солиқ, йиғим, бож ва бошқа мажбурий тўловларнинг йиғиндиси.
Солиқ юки – солиқ тўловчининг муайян вақт оралиғидаги фаолияти натижасида тўлаган солиқларнинг йиғиндисини ифодалайди.
Солиққа тортиш бирлиги – бу ерда объектнинг ўлчов бирлиги. Бу даромад солиғида сўм, ер солиғида кв. метр, сув солиғида куб. метр ва бошқалар.
Солиққа тортиш тизими қонун чиқарувчи идоралар томонидан белгиланган ва ижрочи идоралар томонидан ундирилган солиқларни ташкил этиш усуллари, элементлари ва тамойиллари йиғиндиси.
Солиқлар – мажбурий тўловларни ифода этувчи пул муносабатлари.
Суғурта – инсон фаолиятининг турли сохаларида содир бўладиган табиий офатлар, фавқулодда ходиса ва бошқа воқеалар натижасида етказилган зарар ҳамда талофатларни жисмоний ва юридик шахслар тўлаган суғурта бадалларидан хосил қилинадиган пул фондлари ҳисобидан тўлиқ ва қисман қоплаш йўли билан жисмоний ва юридик шахслар манфаатлари суғурталанишини таъминлашга доир муносабатлар.
Суғурта аудитори - суғурта ташкилотларининг молиявий хўжалик фаолиятлари устидан мустақил текширишга вақил қилинган махсус ташкилот ёки шахс.
Суғурта бозори - бу пул муносабатлари сохаси бўлиб, унда олди-сотди объекти бўлиб суғурта хизматлари бўлади ва бу бозорда шу товарга нисбатан талаб ва таклиф шаклланади.
Суғурта боқимандаси. Суғурта бадалларини тўлаш муддатлари мажбурий суғурта бўйича амалда, ихтиёрий суғурта бўйича эса суғурта шартномасида кўрсатилади. Агар бадал белгилаган тўлов муддатида тўланмаса, у холда тўлов боқимандага айланади. Ихтиёрий суғурта бўйича шартномада кўрсатилган муддатда тўланмаган тўлов шартноманинг бекор қилинишига асос бўлади. Мажбурий суғурта турлари бўйича тўлов муддатлари Вазирлар Махкамаси томонидан белгиланади. Ўз вақтда тўланмаган тўлов боқимандага айланади, хар бир кун учун пения хисобланади.