Ў збекистон республикаси олий ва ўрта махсус таълим вазирлиги ўзбекистон миллий университети

Суғурта бонуси. Транспорт суғуртасида қўлланиладиган атама бўлиб, бу орқали узоқ йиллар давомида фалокатсиз ишлаган суғурталанувчиларга суғурта бадали хисобидан бериладиган енгилликлар. Бу енгилликлар 2-3 ойга суғурта бадалидан озод қилиш ёки суғурта бадалига нисбатан фоиз хисобидан енгилликлар бериш тарзида амалга оширилади.
Суғурта брокери - суғурта ташкилоти ва суғурталанувчининг суғурталаш ва суғурта шартномасини бажаришдаги муносабатларни ўрнатувчи шахс. Суғурта брокери юридик ёки жисмоний шахс бўлиб, у ёки бу суғурта компанияси билан суғурта шартномасини тузишда суғурталанувчининг консультанти ролини бажаради. Суғурта брокери ўз номидан фаолият олиб боради.
Суғурта вакиллари – суғурта ходимлари бўлиб, ўзларига берилган ваколатга мувофиқ суғурталовчи номидан ва унинг топшириғи асосида ишловчи жисмоний ёки юридик шахслардир.
Суғурта гувохномаси (полис) мулк ёки шахсий суғурта ташқил этилганлигига гувохлик берувчи хужжатдир. Ихтиёрий суғуртада бундай хужжатлар биринчи бадал тўлангандан кейин берилади.
Суғурта далолатномаси (акти). Бу суғурта ходисасининг содир бўлганлигини ва унинг сабабларини исботлаб берувчи расмий хужжат. Мулк суғуртасида далолатнома асосида зарар миқдори ва унга тўланадиган қоплама миқдори аниқланади. Хужжат қоплама олишда асос бўлади. Шахсий суғуртада суғурта далолатномаси бахтсизлик ходисасини тасдиқлаш, уни суғурталанувчини бу ходиса хизмат вазифаларини бажаришида ёки йўлда бўлганида содир бўлганини аниқлашга имкон беради. Суғуртанинг бошқа турлари бўйича далолатнома талаб қилинмайди, тиббиёт ташкилотининг маълумотномаси етарли бўлади.
Суғурта жавобгарлиги. Суғурталовчи ва суғурталанувчининг қонунда ёки шартномада кўзда тутилган жавобгарлиги, ўз зиммасига олган мажбуриятлари, вазифаларидир. Агар кўрсатилган ходисалардан бири содир бўлса, у холда суғурта органлари ўз зиммасига олган мажбурият асосида суғурта қопламасини тўлайдилар. Давлат суғурта ташкилотлари томонидан кўзда тутилган жавобгарлик хусусий суғурта ташкилотларида кўзда тутилган жавобгарликдан фарқ қилади. Бундан ташқари хар бир суғурта ташкилоти суғуртанинг хар бир тури бўйича ўз жавобгарлигини ўзи белгилайди.