Ў збекистон республикаси олий ва ўрта махсус таълим вазирлиги ўзбекистон миллий университети

Каско суғуртаси. Каско суғуртасида фақат транспорт воситалари суғурта қилинади.
Қайта суғурта қилиш. Суғурталовчи кўзда тутилган ўз мажбуриятларини бутунлай ёки қисман бошқа суғурталовчига ўтказиш ёки қайта суғурта қилиш мумкин. Суғурта ташкилоти суғурталанувчининг розилиги билан асосий шартномани ўзгартирмасдан туриб, суғурта шартномалари асосида ўзининг жавобгарлигини тўлов қобилиятига эга бўлган бошқа суғурта ташкилотларига топшириб, қайта суғурта қилдирса бўлади. Суғурта воқеаси юз берганда қайта суғурталаган ташкилот шартномага кўра ўз зиммасига олган мажбуриятлар доирасида жавобгар бўлади.
Мулк суғуртаси суғурта объекти бўлиб фуқаролар, корхона ва ташкилотларнинг мол-мулки ҳисобланади.
Натурал шаклдаги даромадлар — деҳқончилик, чорвачилик, паррандачилик, боғ-қўрғон, шахсий томорқадан олинган маҳсулотлар, табиат инъомларидан, шахсий, оилавий эҳтиёжлар учун тайёрланадиган маҳсулотлардан таркиб топади.
Нолли ставка. ҚҚС экспортга товар ортганда ва четдан товарлар келтиришда (қурилиш материалларига) нолли ставка қўлланилади. ҚҚС бўйича нолли ставка экспортга товарлар (ишлар, хизматлар) оборилганда, қишлоқ хўжалиги учун минерал ўғитлар ва ёқилғи-мойлаш маҳсулотлари сотилганда, ҳамда элчихоналар ва ваколатхоналарга товарлар ортилганда қўлланилади. Нолли ставка маҳсулоти ишлаб чиқарувчиларни рағбатлантириш учун жуда яхши, чунки ўз маҳсулотига ҚҚС ҳисобламайди, олган товарлар (ишлар, хизматлар) бўйича ҚҚС суммаси ҳисобга олинади.
Номинал даромадлар - бу солиқлар ва нархларни ҳисобга олмаган ҳолдаги пул шаклидаги даромадлари миқдоридир.
Прогрессив солиқ ставкасида эса даромад, объект кўпайиб бориши билан солиқ ставкаси ҳам ёнма-ён ўсиб боради. Бу бизнинг солиқ қонунчилигимизда фақат фуқароларнинг даромад солиғида қўлланилади.
Пропорционал солиқ ставкасида объект қандай бўлишидан қатъий назар, бир хил улушдаги (пропорцияда) солиқ тўланади.