|
ТАВСИЯЛАР
Мустақиллик йилларида фуқароларнинг ўзини ўзи бошқариш органлари, хусусан, маҳалла инситутига давлат ва жамият бошқарувида уларнинг ваколатларини кенгайтиришга қаратилган кўплаб амалий ишлар қилинди. Жамиятнинг асосий ахлоқий пойдеворларидан бири бўлган маҳалланинг мавқеини ошириш, ваколатларини кенгайтириш билан боғлиқ бир қатор қонунлар қабул қилинди.
Ўзбекисон Республикаси Конституциясининг 105-моддасида шаҳарча, қишлоқ ва овулларда, шунингдек, улар таркибидаги маҳаллаларда ҳамда шаҳарлардаги маҳаллаларда фуқароларнинг йиғинлари ўзини ўзи бошқариш органлари бўлиши мустаҳкамланиб, конституциявий мақомга эга бўлди. “Фуқароларнинг ўзини ўзи бошқариш органлари тўғрисида”ги, “Фуқаролар йиғини раиси (оқсоқоли) ва унинг маслаҳатчилари сайлови тўғрисида”ги Ўзбекистон Республикаси қонунлари, Ўзбекистон Республикаси Президентининг Фармон ва Қарорлари, Вазирлар Маҳкамасининг бир қатор қарорлари қабул қилинди.
Алоҳида таъкидлаш керак, Ўзбекистон Республикаси Президенти Шавкат Мирзиёев томонидан 2017 йил 3 феврал куни қабул қилинган “Маҳалла инситутини янада такомиллаштириш чора-тадбирлари тўғрисида”ги фармони қадриятлар бешиги саналмиш миллий демократик инситут бўлмиш маҳаллаларнинг ролини янада кучайтириш, уларнинг халқимиз ҳаётидаги ўрни ва нуфузини янада ошириш борасида муҳим аҳамиятга эгадир.
Президентимиз Шавкат Мирзиёев таъкидлаганидек, “қайси маҳаллада иш тўғри ташкил этилиб, фуқаролар билан яқин ҳамкорлик ўрнатилган бўлса, ўша ерда ҳамжиҳатлик, меҳр-оқибат муҳити ҳукм сурмоқда, нохуш ҳолатларга йўл қўйилмаяпти”1. Шу боис мамлакатимизда амалга оширилаётган изчил ва тизимли ислоҳотларнинг ҳозирги шиддатли босқичида маҳаллаларни янада қўллаб-қувватлаш ва ривожлантириш давр тақозасидир.
Биринчидан, “Маҳалла инситутини янада такомиллаштириш чора-тадбирлари тўғрисида”ги фармон мамлакатимизда адолатли фуқаролик жамиятини шакллантиришнинг замонавий талаблари асосида фуқаролар ўзини ўзи бошқариш органлари зиммасига юклатилган вазифаларнинг самарали ижросини таъминлаш тизимини тубдан такомиллаштиришга қаратилган.
Иккинчидан, бугунги кунда ён-атрофимизда диний экстремизм, терроризм, гиёҳвандлик, одам савдоси, ноқонуний миграция, “оммавий маданият” деган турли бало-қазоларнинг хавфи тобора кучайиб бораётганидан кўз юмиб бўлмайди. Бундай кескин ва таҳликали шароитда маҳалла-кўй ота-оналар, устоз-мураббийлар, жамоатчилик билан биргаликда бу масалада ҳушёрлик ва огоҳликни янада ошириши лозим. Бунда фуқароларнинг ўзини ўзи бошқариш органлари, ёшларнинг оиладаги хулқ-атворидан тортиб, мактабгача таълим муассасалари, мактаблар, ўрта махсус, касб-ҳунар таълими муассасаларидаги таълим-тарбияни ҳам қамраб олган ҳолда, изчил жамоатчилик назоратини олиб бормоқни талаб қилинади. Шу боис фармонда фуқаролар ўзини ўзи бошқариш органларининг ёшларнинг маънавий ва жисмоний камолоти йўлида давлат ва нодавлат ташкилотлари билан ўзаро ҳамкорлигини янада мустаҳкамлашига йўналтирилган масалалар ўз аксини топди.
Учинчидан, фармонда фуқаролар йиғинларининг моддий-техника базасини мустаҳкамлашга доир амалий чоралар ҳам белгиланган. Яъни фуқаролар ўзини ўзи бошқариш органлари моддий-техника базасини мустаҳкамлаш, болалар спорт майдончалари, маиший хизмат кўрсатиш объектларини ташкил этиш мақсадида 2017 — 2021 йилларга мўлжалланган ҳудудий дастурлар ишлаб чиқиш кўзда тутилган. Маҳаллалар кесимида, чуқур таҳлил асосида, ҳар бир ҳудуднинг ўзига хос хусусият ва имкониятлари, талаб ва эҳтиёжларини инобатга олган ҳолда тайёрланадиган ушбу дасурларнинг жойларда тўлақонли бажарилиши маҳаллаларнинг ҳар томонлама обод ва фаровон бўлишини таъминлайди.
Маълумки, кейинги беш йилда фуқаролар йиғинларининг 1600 га яқин хизмат бинолари жорий 367 таси капитал таъмирланди ва 350 дан ортиғи реконструкция қилинди, намунавий лойиҳалар асосида 216 та бино янгидан қурилиб, фойдаланишга топширилди. Фармонда кўрсатилганидек, 2018 йилнинг 1 декабрига қадар туманлар ва шаҳарлар марказларида “Маҳалла маркази” мажмуалари биноларининг намунавий лойиҳалар асосида барпо этилиши бу каби муаммоларнинг ечим топишига олиб келади.
Тўртинчидан, фармонда маҳалла фуқаролар йиғинларининг маҳаллий аҳамиятга молик масалаларни ҳал этиш бўйича мустақиллигини таъминлаш, ўзини ўзи бошқариш тизимида ортиқча бўғинлардан воз кечиш мақсадида — таркибида маҳаллалар тузилган шаҳарча, қишлоқ ва овул фуқаролар йиғинларини маҳалла фуқаролар йиғинларига бирлаштириш ва бўлиш йўли билан қайта ташкил этишга қаратилган чора-тадбирларнинг амалга оширилиши назарда тутилган.
“Халқ билан мулоқот ва инсон манфаатлари йили”да Президентимизнинг ушбу фармони қабул қилингани маҳаллалар зиммасига алоҳида масъулият юклайди. Энг муҳими, фармонда белгилаб берилган устувор вазифаларнинг ўз вақтида ва юксак самарадорлик билан ҳаётга татбиқ этилиши, давлатимиз раҳбари таъкидлаганидек, маҳаллаларнинг жойларда халқнинг маслакдоши ва кўмакдошига, таъбир жоиз бўлса, “адолат тарозиси”га айланишини таъминлайди.
Талабаларнинг “Менинг махаллам – менинг фахрим” мавзуида мустақил ишни бажаришининг асосий мақсад ва вазифаси қуйидагича:
Мақсад: Танланган ушбу мавзу орқали талабаларнинг Миллий ғоя фанидан олган назарий билимларини амалий ҳаёт билан боғлаш, уларни мустақил изланишга, керакли маълумотларни йиғиш, таҳлил қилиш ва мантиқий мушоҳадага ўргатиш, жамият тараққиёти ва инсоннинг шахсий хаётида махаллаларнинг тутган муҳим ўрни ҳамда махалланинг – юксак қадрият сифатидаги ролини талабаларнинг онгига сингдиришдан иборат. Талаба ёшларнинг миллий ва умуминсоний қадриятлар тизимига асосланган ахлоқий нормаларини ва ватанга бўлган муҳаббат туйғусини шакллантириш, уларнинг эстетик дидини тарбиялаш, фикрлашда мантиқий аниқлик, изчиллик қоидаларига амал қилишга ўргатиш.
Вазифа: Ўзининг яшаб турган махалласи билан яқиндан танишиш, у тўғрисида тўлиқ маълумотлар базасини шакллантириб альбом-тақдимот тайёрлаш орқали ўз маҳалласи ҳақида тўлиқ тасаввурга эга бўлиш ва маҳалла ҳаётида фаол иштирок этиш ҳамда ТДИУ билан маҳалла ўртасида алоқа ўрнатиш.
Do'stlaringiz bilan baham: |
