Ў збекистон республикаси олий ва ўрта махсус таълим вазирлиги низомий номидаги тошкент давлат

Ҳамкорлик педагогикаси.

Ҳамкорлик педагогикаси XX асрнинг 80-йилларида ривожлана бошлади ва таълимдаги кўпгина инновацион жараёнларни ҳаётга чорлади. Бу технология негизида таниқли рус ва чет эл педагогларининг тажрибаси ётади. Улар К.Д.Ушинский, Н.П.Пирогов, Л.Н.Толстой, Ж.Ж. Руссо, Я.Корчак, К.Роджерс, Э.Берн, С.Т.Шацкий, В.А.Сухомлинский ва бошқалардир.
Ҳамкорлик педагогикаси 4та асосий йўналиш бўйича амалга оширилади:

• 
  шахсга инсон, шахс сифатида ёндашув;
  
• 
  диалектик фаоллаштирувчи ва ривожлантирувчи мажмуа;
  
• 
  тарбия концепцияси;
  
• 
  атроф-муҳитни таълим-тарияга мослаш;
  

Ш.А.Амонашвилининг инсон-шахс технологияси.
Шалва Александрович Амонашвили таниқли педагог олим ва амалиётчидир. У ўзининг экспериментал мактабида ҳамкорлик педагогикасини, шахсий ёндашувни, тил ва математика ўқитишнинг ажойиб методикасини ишлаб чиқди ва ҳаётга татбиқ этди.
Ш.А. Амонашвилининг асосий мақсадлари қуйидагилардан иборат:

• 
  боланинг шахсий хислатларини намоён қилиш орқали унда олижаноб инсоннинг шаклланиши, ривожланиши ва тарбияланишига имкон туғдирмоқ;
  
• 
  боланинг қалби ва юрагини улуғламоқ;
  
• 
  боладаги билишга бўлган кучларни ривожлантириш ва шакллантириш;
  
• 
  кенг ва чуқур билим ҳамда малака олиш учун шароит туғдирмоқ;
  
• 
  идеал тарбия – бу ўз-ўзини тарбияламоқ.
  

Ш.А. Амонашвили ўзининг технологиясини амалга ошириш учун қуйидаги методика ва методик усуллардан фойдаланди:

• 
  инсонпарварлик;
  
• 
  шахсий ёндашув;
  
• 
  мулоқот маҳорати;
  
• 
  оила педагогикасининг қўшимча имконияти;
  
• 
  ўқув фаолияти.
  

Ш.А.Амонашвили технологиясида бола фаолиятини баҳолаш алоҳида аҳамиятга эга. Баҳолардан фойдаланиш ўта чекланган. Миқдорий баҳолашдан кўра сифатли баҳолашга урғу берилади, яъни тавсиф, натижалар пакети, ўз-ўзини баҳолаш.
Бу технологияни Виктор Федорович Шаталов ишлаб чиқди ва ҳаётга жорий қилди. У ўқитишнинг анъанавий синф-дарс усулининг ҳали очилмаган катта имкониятларини кўрсатиб берди.