Ў збекистон республикаси олий ва ўрта махсус таълим вазирлиги низомий номидаги тошкент давлат

Педагогик технологиянинг тузилиши.
1-лекцияда педагогик технология ҳақидаги тушунчалардан технология ўқув жараёни - ўқитувчи ва ўқувчининг фаолияти, унинг тузилиши, воситаси, методлари ва шакллари билан яқин боғлиқдир. Шунинг учун педагогик технология тузилишига қуйидагилар киради:
1. Концептуал асоси.
2. Ўқитишнинг мазмунли қисми:

• 
  ўқитиш мақсадлари – умумий ва хусусий, аниқ;
  
• 
  ўқув материали мазмуни.
  

3. Процессуал қисми – технологик жараён:

• 
  ўқув жараёнини ташкил этиш;
  
• 
  ўқувчилар ўқув фаолияти методлари ва шакллари;
  
• 
  материалларни ўзлаштириш жараёнини бошқариш бўйича ўқитувчининг фаолияти;
  
• 
  ўқув жараёни диагностикаси.
  

Педагогик технологияларга талаблар ва технологиклиги мезонлари.
Ҳар қандай педагогик технология баъзи бир методологик талабларга ёки технологиклик мезонларига жавоб бера олиши керак. Педагогик технологияларнинг асосий сифатлари қуйидагиларда ифода этилади:

1. 
   Концетуаллик. Ҳар бир педагогик технологияга таълим мақсадларига эришиш фалсафий, психологик, дидактик ва ижтимоий-педагогик асосларини ичига олувчи маълум илмий концепцияга таяниш хос бўлиши керак.
   
2. 
   Системалилик. Педагогик технология системалилик белгиларига эга бўлиши керак: жараённинг мантиқи, унинг ҳамма қисмлари боғлиқлиги, яхлитлиги.
   
3. 
   Бошқарилувчанлиги ўқитиш жараёни диагностик мақсадни кўзлаш, режалаштириш, лоҳалаштириш, босқисма-босқич диагностика қилиш, натижаларни тузатиш мақсадида восита ва методларни ўзлаштириш мумкинлигини кўзда тутади.
   
4. 
   Самаралилиги. Замонавий педагогик технологиялар аниқ шароитларда мавжуд ва натижалар бўйича самарали, ҳаражатлар бўйича оптимал бўлиши, ўқитишнинг маълум стандартига эришишни кафолатлаши керак (яъни, 70% фоиздан ортиқ ўқувчилар “яхши” баҳога ва “аъло” баҳога ўқишлари керак, бу эса агарда синфда 25 та ўқувчи бўлса – шундан 19 таси деганидир).
   
5. 
   Қайта янгиланиши педагогик технологияни бошқа бир турдаги таълим муас­сасаларида, бошқа субъектлар билан қўлланилишини (такрор­ла­ни­ши­ни, қайта тикланишини) назарда тутади.