Ў збекистон республикаси олий ва ўрта махсус таълим вазирлиги низомий номидаги тошкент давлат

Педагогик технологиялар даражалари.
“Педагогик технология” тушунчаси таълим амалиётида учта тартиб билан бир-бирига боғлиқ даражаларда ишлатилади.
1.Умумпедагогик (умумдидактик) даража: умумпедагогик (умум­дидак­тик, умумтарбиявий) технология таълимнинг маълум босқичида ушбу регион, ўқув юртида яхлит таълим жараёнини ифода этади. Бу ерда педа­го­гик технология педагогик тизимга ўхшашдир: унга ўқитишнинг мақсадлари, мазмуни, восита ва методлари тўплами, фаолият объекти ва субъекти алгоритми киради.
2.Хусусий методик (фан) даражаси: хусусий методик педагогик технология “хусусий методик” кўринишида қўлланилади, яъни бир фан, синф, ўқитувчи доирасида ўқитиш ва тарбиялаш маълум мазмунини амалга ошириш учун методлар ва воситалар тўплами сифатида ишлатилади.
3.Локал (модулли) даражаси: локал технология ўқув-тарбиявий жараён­нинг алоҳида қисмлари, хусусий дидактик ва тарбиявий масалаларни ҳал этиш технологиясидан иборат (алоҳида турдаги фаолият, тушунчалар шакллантириш, алоҳида шахсий сифатларни тарбиялаш, дарс технологияси, материалларни такрорлаш ва текшириш технологияси, мустақил ишлар технологияси ва бошқалар).
Бундан ташқари технологик микроструктураларни ҳам кўрсатдилар: усуллар, қисмлар, элементлар ва бошқалар.
Технологик мантиқий тизимга тизилар экан улар яхлит педагогик технологияни ташкил этадилар (технология жараён).
Педагогик технологияларни расмийлаштириш усуллари.
Технологик схема – технологик жараённи шартли равишда тасвирлаш, уларни алоҳида қисмларга ажратиш ва улар орасидаги мантиқий боғлиқликларни кўрсатиш.
Технологик харита - қадамма-қадам, босқичма-босқич ҳаракатлар кетма-кетлиги кўринишида (кўпинча график шаклда) қўлланиладиган воситаларни кўрсатиб жараённи тасвирлаш.
Технологик нюанслар. Адабиётларда ва мактаблар ишлари амалиётида педагогик технология термини педагогик тизим тушунчаси синониуми сифатида қўлланилади. Система тушунчаси технология тушунчасидан кўра кенгроқ бўлиб, фаолиятнинг объекти ва субъектларини ҳам ўз ичига олади.
Технология методикасидан натижаларининг мустаҳкамлиги, қайта янги­ланиши, кўплаб “агарда” иккиланишларининг йўқлиги билан фарқ қилади (агарда истеъдодли ўқувчи бўлганида, агарда қобилиятли болалар, агарда ота-оналар...).
Технологиялар ва методикаларнинг аралаштириб юборилиши баъзан методика технология таркибига киришига, баъзан эса аксинча, у ёки бу технологиялар - ўқитиш методикаси таркибига киришига олиб келади.