Ў збекистон республикаси олий ва ўрта махсус таълим вазирлиги низомий номидаги тошкент давлат

Тадбиркорлик ўйинини тайёрлашнинг ижтимоий-психологик муаммола­ри­га қуйидагилар киради:

• 
  иштирокчиларни танлаш;
  
• 
  ролларни тақсимлаш;
  
• 
  ўйин раҳбарини ижтимоий-психологик жиҳатдан тайёрлаш;
  
• 
  ижтимоий психология бўйича умумназарий билимларни эгаллаш;
  
• 
  назарий билимларини амалда қўллай олиш;
  
• 
  шахсий тайёргарлик.
  

Тадбиркорлик ўйинларининг дидактик функцияларига қуйидагилар киради: талабаларда ақлий фаолият усулларининг шаклланиши; билимларни мустаҳкамлаш ва қўллаш; ўқув жараёнида бўлғуси мутахассиснинг фаолияти фақат ўрганиш эмас, балки уни бажаришга қаратилган дидактик қоидалар ишлаб чи­қиш­дан иборат бўлиши; талабалар билиш фаолиятининг бўлғуси касбий фаолияти, ўзига хослиги ва тузилмасига юқори даражада яқинлашиб бериши.

Тадбиркорлик ўйини ижтимоий-педагогик тизим сифатида қуйидаги тайёр­гарлик босқичларига эга: билиш вазифаларини муаммоли вазият топшириғи шаклида қўйиши; навбатдаги вазифани бажариш учун зарур бўлган аввал эгалланган билимлардан фойдаланиши; ўйиннинг шартларини тушунтириш ва вазифани бажариш учун зарур бўлган янги амалий билимларнинг ахборотини бериши; вазифа шартлари, уларнинг бажарилишини тушунтирувчи қоидаларни ўрганиш ва таҳлил қилиш бўйича мустақил ишлар ва тадбиркорлик ўйинларидаги ўз мавқеини аниқлаши; ўзларидаги бор билим, малака ва кўникмалар асосида режа бўйича ишларни бажариши; талабалар фаолиятини, уларнинг билими, малакаси, кўникмаларини назорат қилиш ва жорий йўл-йўриқлар бериши; талабаларнинг тадбиркорлик ўйинларига тайёрлигини аниқлаш мақсадида уларнинг мустақил ишлари натижаларини текшириб кўриши; талабаларга тадбиркорлик ўйинларини ўтказиш ва унда қатнашиш бўйича йўл-йўриқлар бериш, уларни роль ўйнаш бўйича тақсим қилиш, зарурат туғилганда ҳар бирига қўшимча йўл-йўриқлар бериши; олдиндан ишлаб чиқилган сценарий бўйича талабаларнинг тадбиркорлик ўйинлари; ўйин иштирокчиларига жорий йўл-йўриқлар бериши; ўйин иштирокчиларининг ўйин давомида ўзи ўйнаган ролларига баҳо бериши, ўз-ўзини назорат қилиши; тадбиркорлик ўйини натижаларини муҳокама қилиш ва талабанинг ўқув-ўйин фаолиятига баҳо бериши.